Në 10-vjetorin e Qeverisë më të korruptuar nga 1912, Rama: Ajo që kemi nisur 10 vite më parë, bitiset 5 vite më pas!

Pa e kuptuar se kujt po i drejtohej ose u përfshi nga halucinacionet me miliardat e inceneratorëve dhe investitorëve strategjik ndërsa gjendja iu rëndua siç duket kur u kujtua për skandalin që nuk ka bashki në botë me pesë drejtor që vjedhin si ata ministra që i drejton vetë me dardha e mollë duke hëngër mbrapa e para, Kryeministri i Qeverisë më të korruptuar që nga ekzistimi i shtetit shqiptar, Edi Rama, sipas të gjitha gjasave jerm, tha se janë prej 10 vitesh në luftë kundër korrupsionit, dhe që kanë nisur 10 vite më parë do të bitiset 5 vite më pas!

“Kjo është çfarë i duhet nga ky Kuvend Shqipërisë e shqiptarëve për të mbështetur anëtarësimin në BE në 2023. Janë fantazuar qëllime të fshehta si vënia nën kontroll e PSAK apo është propaganduar se jemi kujtuar pas 10 vitesh të luftojmë korrupsionin. Jemi prej 10 vitesh në luftë kundër korrupsionit.

SPAK është ilaçi i hidhur që o e pi e shërohesh ose vdes,” tha Edi Rama me mendjen e tij triumfalisht për të miratuar Projektrezolutën “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Europian” edhe pse nuk e tha asnjë fjalë për miliarda euro të vjedhura nga administrata e tij dhe akuzohet po nga ky SPAK për të cilën ilaç foli, dhe as nuk e piu dhe as nuk vdiq!

E meqës SPAK nuk dihet pse nuk ka ende guxim ti afrohet as me ilaç e as me një thirrje të thjeshtë, Edi Rama nga foltorja e parlamentit normalisht që vazhdoi të tallet me opozitën, vota e së cilës nuk i duhet sot.

“Nisëm që dëshmon se PS jo vetëm nuk ka lodhje me pushtetin apo vetëkënaqësi, por ka një fuqi të brendshme për ndryshimin e vendit dhe vetëndryshimin e vazhdueshëm që na bën edhe opozitë e vetme serioze e vetvetes.
Ashtu siç nuk u ndal reforma në drejtësi as kjo nuk ndalet. Votjeni pr rezolutën dhe nëse nuk gjeni forcën mos bojkotoni komisionin që do të ngrihet menjëherë pas miratimit. Sa herë ku kam thënë mos bëni këtë apo atë, këtë bëjeni ju ka dalë siç ju kam thënë. Për një arsye të thjeshtë. Jo sepse jam më i zgjuar se ju, por sepse nuk keni dashur kurrë të mësoni se vendimmarrjen me shikimin deri te hunda, rrugën që duket e shkurtër ta bëjnë pafundësisht të gjatë. Ndaj ne jemi këtu e ju aty. Me mend në kokë! Keni ende shumë për të parë. Ajo që kemi nisur 10 vite më parë të bitiset 5 vite më pas kur flamuri shqiptar doni apo jo ju do ngulet në oborrin e BE në Bruksel.”

Dhe, sot pas 10 viteve vjedhje dhe korrupsioni të “Qeverisë Rama”, kur Edi Ramës iu tek që ta luftoj pasi e mbyti Shqipërinë në korrupsion, siç bëri me kanabizimin, ai thotë se lufta e nisur 10 vite më parë ishte e vërtetë.

“Lufta e nisur seriozisht 10 vite më parë kundër korrupsionit është e vërtetë. Ndaj kush rri dhe numëron, ‘u thirr ky dhe u arrestua ai, u dënua ky dhe u dënua ai’, duke e kthyer opozitën politike dhe mediatike në një llogore baltosjeje, thjesht do të zhytet vetë. Ata që nuk e kuptojnë se pa vizionin tonë shtetbërës, sot s’do të kishte asnjë zyrtar të lidhur para drejtësisë, siç nuk pati kurrë asnjë nga 1912 dhe deri para pak vitesh. Ose nuk duam që ta pranojmë se është kthyer rrota e këtij vendi, ose pastaj nuk kanë asgjë me vlerë për të thënë dhe flasin pa pushim duke prodhuar këtë dhe shoqëruar me shpulla sipas tavolinës.

Liri vjedhje nga të katërt anës për 23 vite, është një luftë që bëhet duke i rënë kazanit, që të ikë Lena dhe të vijë Prena. Kjo nuk është luftë vulgare për pushtet, por për shtetbërje demokratike, për mekanizma shtetëror dhe institucional, që shkojnë përtej Lena-Prenave.

Nisma që merr jetë me ketë rezolutë buron nga nevoja e thellimit të kësaj lufte dhe reflekton nivelin e rritur të sfidës drejt BE me të gjitha detyrimet që burojnë prej saj. Kolegët e grupit të PS me siguri do të japin plot detaje,” tha Kryeministri pa u penguar nga opozita e cila po i binte me duar tavolinës meqë Edi Rama nuk i ka lënë asnjë mekanizëm tjetër për të vepruar, dhe dëshmi është dhe ky Komision i Posaçëm që po forohet për të luftuar korruspionin nga ata që bëjnë korrupsion ndërsa përfundoi:

“Unë do ta mbyll me dy nënvizime kyçe, i pari është për shqiptarët; jemi të vetëdijshëm se korrupsioni në Shqipëri është kancer i trashëguar, të cilin kundërvënia jonë me reforma dhe heqje dorë nga kontrolli politik i drejtësisë, ka nisur ta zmbrapsë. Ndaj korrupsioni është fenomen shqetësues. Ndaj ne vijmë këtu në Kuvend me këtë nismë, e cila dëshmon qartë se kjo forcë politike jo vetëm nuk ka asnjë kënaqësi, por ka fuqi të brendshme për ndryshimin e vendit.”, tha ai, teksa opozita i binte tavolinave pa pushim në shenjë proteste.”