Në 32 vjetorin e varjes, Basha: Havzi Nela, poet i pavdeksisë!

Në 32 vjetorin e varjes së poetit disident, Havzi Nela, Kryetari i Partisë Demokratike, Lulzim Basha, sjell kushtrimin e tij të lirisë përmes rrjetit social Twitter duke e cilësuar si poet të pavdekësisë:

Thoni: Desh, kërkoi lirinë,
Si skifter në fluturim,
Provoi prangat, t’errtë qelinë,
Për të mjerët, lëshoi kushtrim.
Thoni se: E qorroi terri
Thoni: Dielli nuk u ngrohu.
Thoni se: E trishtoi tmerri
E të shtypunit i tha: Çohu!”
Havzi Nela – Poeti i pavdeksisë

Ndryshe, më 10 gusht të vitit 1988, në ora 02:00 të mëngjesit poeti disident Havzi Nela u var në mes të qytetit të Kukësit me akuzën e tradhtisë së lartë ndaj atdheut, pas miratimit përfundimtar të dënimit me vdekje nga anëtarët e Presidiumit të Kuvendit Popullor të drejtuar nga Ramiz Alia, ku firmën vuri edhe babai i kryeministrit aktual, Kristaq Rama.