Në Bjeshkët e Rugovës, Gjilanit dhe Vitisë ka ende vatra zjarri

Edhe sot zjarret po kërcënojnë disa rajone të Kosovës por situata po vlerësohet e menaxhueshme.

Tek Parku Kombëtar në Bjeshkët e Rugovës, tek rajoni i Gjilanit, dhe në një fshat të komunës së Vitisë zjarret janë ende aktive por janë nën kontroll nga forcat operative në vendngjarje, tha Nehat Koçinaj nga Agjencia për Menaxhimin Emergjent për KosovaPress.

Në rajonin e Prishtinës janë dy zjarre malore në të cilat është intervenuar, në fshatin Shashkovc të Komunës së Graçanicës si dhe në fshatin Kalaticë të Komunës së Podujevës.

Në rajonet e Prizrenit dhe Mitrovicës situata është e qetë dhe pa ndonjë rrezik.

Policia e Kosovës, tha Koçinaj, ka dhënë kontributin e saj për fikjen e zjarrit në të gjitha zonat ku ka pasur zjarr, si dhe ka pasur lëndime por të cilat kanë qenë të lehta.