Në detin e krimit të Rilindjes, Edi Rama: S’ka më peshk se rob jo e jo!

Po s’ka më peshk se rob jo e jo! I menjëhershëm ishte reagimi i kryeministrit Edi Rama ndaj vlerësimit të mega operacionit të policisë së Fatmir Xhafajt që i bëri kryetari i Partisë Demokratike, Lulzim Basha. Dhe, si gjithmonë kur nuk ka argument Edi Rama ka armën e fortë banalitetin:

“Shpif, shpif, se lirohesh, i thonë një llafi…” thekson kryeministri i Donika Prelës përmes rrjetit social twitter, duke shtuar se sulmet vulgare ndaj prokurorisë vijnë nga dhimbjet e forta të kokës për çështjet e hapura me drejtësinë.

“Lufta me krimin e me korrupsionin vetëm do të përshkallëzohet,” përfundon Edi Rama në reagimin e tij, siç duket, i vendosur për të shkatërruar plotësisht Grupin Parlamnetar të PS me në krye Taulant Ballën.

Ndryshe, atë që policia e Fatmir Xhafajt e konsideron si mega operacion të së dielës, kryetari i Partisë Demokratike, Lulzim Basha e vlerësoi si pjesë të skenarit të shkatërrimit të dosjes hetimore ndaj peshkut të madh të kësaj dosje që quhet Vangjush Dako.

Ja postimi i plotë:

“Shpif, shpif, se lirohesh, i thonë një llafi, po s’ka më peshk se rob jo e jo, që s’e ka marrë vesh se sulmet vulgare ndaj prokurorisë vijnë nga dhimbjet e forta të kokës për çështjet e hapura me drejtësinë! Lufta me krimin e me korrupsionin vetëm do të përshkallëzohet#Deri në fund