“Ne dhe Ata”/ Synimet, Edi Rama me Erion Velinë, Teatri Kombëtar, Muzeu…

Ne dhe Ata! Vazhdoi me monedhën e vetme që i ka ngelë në dorë Edi Ramës pas shkatërrimit që i bëri vendit edhe pse kishte dalë të promovoj Lali Erin si kandidat për kryetarin e Bashkisë së Tiranës në zgjedhjet e 30 Qershorit, për të cilat e ka shpallë rezultatin e zgjedhjeve ende pa filluar as fushata zgjedhore.

Dhe në këtë luftë klasash, tek “Ne”përveç hajdutëve që ka nëpër këmbë dhe dolën zbuluar në të gjitha aferat korruptive, Edi Rama futi dhe qytetarët, të cilëve doli zemërhapur dhe u dha pushtetin. I vendosur që Teatrin do ta shembë se s’bënë, me këtë rast e bëri të qartë se i kishte vu syrin edhe Muzeut Kombëtar:

“PD si sheshi i vjetër në qendër, LSI si shatërvani i vjetër në bosht, të terët, aleatët, si kioskat e rritura në vite, anash, shtesë pas shtese, që kishin zënë pamjen parkut të Tiranës. Ky qytet është mishërimi i forcës transformuese, edhe boshllëqeve tona pa dyshim, por edhe shumë defekteve që duhen ndrequr, provë e dallimit ët madh nata me ditën mes nesh, të atyre që i kemi mbrapa. Kush e vë këtë në dyshim, ose s’ka dalë nga ana e tyre, ose e ka harruar natën e tyre se çfarë ishte, kur ata kishin në dorë vendin dhe Tiranën,” tha Edi Rama ndërsa për Sheshin Skenderbej, më të pavizituarin në Shqipëri, të cilin edhe vetë e anashkalon foli me superlativa:

“Sheshi Skëndërbej sot është kryevepër urbanistike e konfirmuar ndërkombëtarisht  duke marrë vlerësime të larta në gazetat e mëdha të botës, por Muzeu Historik është fantazëm e së shkuarës mu në mes të sheshit, Opera kantier që këtë vit do të hapë dyert.”

Çfarë kuptimi do të kishte kur në një lum me kërcënime do të mungonte Teatri Kombëtar. Dhe, meqë mungon Gjykata Kushtetuese, fadroma e Edi Ramës është në gjendje gatishmërie:

 “Teatri i ri Kombëtar, që do të ndërtojmë me se s’bën e për turpin e atyre që e kanë baltosur pa lindur projektin tonë, ne do ta bëjmë një tjetër kryevepër të konfirmuar ndërkombëtarisht.”

Skandalet me aferat korruptive që shkojnë në qindra miliona euro i quan gabime ashtu si edhe blerjen e votave nga krimi, ndërsa arrestimet e paligjshme  të protestuesëve i konsideron kafshim i gjuhës:

“Kohët e fundit e kemi kafshuar shumë shpesh gjuhën, e kemi lënë të kalojë valën e sulmeve të atyre që e duan vendin shesh për përsheshin e tyre, kanë sulmuar parlamentin, duke  gjymtuar fizikisht me aktin e tradhtisë ndaj zgjedhësve dhe sistemit demokratik, që e ka zanafillën te ajo parti që e ka humbur përfundimisht fillin, kur kanë sulmuar qeverinë duke eksportuar nëpër botë dhunën e vulgut, kur kanë sulmuar policinë, prokurorët e gjykatëset që kalojnë vetingun dhe reformën në drejtësi, sa herë vetingu nxjerr jashtë shërbëtorët e tyre të korruptuar me damkë, miqtë e partnerët e venin me shpinë e varfër gjer në dhimbje e të shthurur gjer në lebeti

Kanë sulmuar vendin, në çdo instancë e kanal të huaj kur kanë pasur mundësi të fusin hundën, nuk ua kem kthyer sy për sy e as dhëmbë për dhëmbë, kemi duruar pa fund. U kemi ofruar bashkëpunim,

U kemi duruar baltën, vezën dhe bojën e dëshpërimit tyre mbi fytyrat tona, në vend se të na sfidonin me ide, kanë zgjedhur të na gjuajnë me gur, në vend të mendjes për të na mbytur kanë vendosur të mbyten për të na marrë me vete si i mbytur që të mbyt.”

Opozitën që zbuloi se kush është ai që vjedhë dhe si u tentua të plaçkitej shteti tek Unaza e Re me 40 milionë euro, e konsideron si një opozitë të dal mendsh, edhe pse disa nga koncesionet e denoncuara kjo opozitë, i anuloi:

“Në vend se të vinin mend kanë dalë mendsh fare deri në pikën që duan ta kthejnë disfatën e tyre në disfatë të vendit, ashtu të mjerë në dëshpërimin e tyre mendojnë se duke e kthyer vendin në rrumpallën e sherrit do ti detyrojnë ndërkombëtarët të ndërhyjnë për pushte në tavolinë, ta harrojnë.

Nëse ata nuk e kanë për gjë të tradhtojnë e ta shkelin me këmbë mandatin e popullit. Nuk kemi mandat për të lëshuar nga dora, por kontrata për të zbatuar dorë për dore me njerëzit e zakonshëm të këtij vendi.

Unë kam bërë edhe gabime, por nuk e kam tradhtuar kurrë e nuk do t’ju tradhtoj, juve që jeni dhe atyre që nuk janë, në Shqipëri, apo nëpër botë, që më kanë dhënë mua dhe PS për të bërë Shqipërinë që duam!”

Në fund pasi dështoi në krijimin e Opozitës së Edi Ramës bëri dhe ofertën e fundit edhe pse aspak joshëse në një vend ku respektohet Kodi i Krimit por jo edhe ai Zgjedhor: “Nëse ju në zgjedhjet e 30 qershorit, do fitoni një bashki më shumë se ne. Jemi të gatshëm të shkojmë në zgjedhje të parakohshme!” -ser0��B$