Në ditëlindjen e themeltarit të shtetit, U.D. Presidentja e Kosovës: Tre postulatet…

Në ditëlindjen e Ish-Presidentit Ibrahim Rugova, U.D. Presidentja e Kosovës, Vjosa e Osmani, duke kujtuar personalitetin e jashtëzakonshëm historik, dijetarin e politikanin humanist, vizioni i të cilit i parapriu shtetësisë së Kosovës rikujtoi dhe tre postulatet e tij se kur pavarësia është e plotë:

“Pavarësia është e plotë nëse janë të plota liritë njerëzore, se liria është e përhershme dhe e qëndrueshme vetëm nëse shoqëria është demokratike dhe e përkushtuar ndaj vlerave të saj dhe nëse respektohet rendi dhe ligji e nuk bashkëpunohet me krimin,” thekson Presidentja e Kosovës, Vjosa Osmani përmes rrjetit social Facebook duke përfunduar:

I përjetshëm kujtimi për të!

Ndërkohë në Istog, në ditëlindjen e Ish-Presidentit Ibrahim Rugova është zbuluar shtatorja e tij. Atë e zbuloi vajza e tij Teuta Rugova, kryeministri Avdullah Hoti dhe kryetari i Istogut Haki Rugova.

Skulptor i shtatores së Dr.Rugovës ishte Gëzim Muriqi.

Ja statusi i plotë i Vjosa Osmanit:

Në ditëlindjen e themeltarit të shtetit, Presidentit historik të Kosovës, dr. Ibrahim Rugova, kujtuam personalitetin e jashtëzakonshëm historik, dijetarin e shquar të Kosovës e politikanin humanist, vizioni i të cilit i parapriu shtetësisë së Kosovës. Tri postulatet e tij na dëshmojnë e rikujtojnë se pavarësia është e plotë nëse janë të plota liritë njerëzore, se liria është e përhershme dhe e qëndrueshme vetëm nëse shoqëria është demokratike dhe e përkushtuar ndaj vlerave të saj dhe nëse respektohet rendi dhe ligji e nuk bashkëpunohet me krimin. I përjetshëm kujtimi për të.