Në Fier, Berisha: Edi Rama si Enver Hoxha, përdor varfërinë për të ulur kokën e popullit!

Edi Rama ashtu si Enver Hoxha përdor varfërinë për tu ul kokën njerëzve, tha para demokratëve të Fierit kandidati për Kryetar të PD, Sali Berisha, duke folur për modelin politik që ndjekë Kryeministri Rama dhe kërcënon interesin kombëtar për të ndjekur interesin e tij politik dhe na prish me Perëndimin.

Lideri historik i PD fillimisht ka falënderuar demokratët e Fierit për kontributin e tyre në një moment kritik për pluralizmin dhe demokracinë.

“Ju shpreh mirënjohje të thellë për mbështetjen e jashtëzakonshme që ju dhatë për pluralizmin dhe demokracinë në Shqipërinë, në një moment që do përcaktonte ekzistencën ose jo të një opozite të vërtetë për Shqipërinë dhe shqiptarët. Në një hark kohor disa mujor, në një rrugë të vështirë të pazakontë dhe të pandodhur ndonjëherë, demokratët dhe demokratet e Fierit dhe të mbarë Shqipërisë, në një proces demokratik, në vlerësimin tim një lëvizje  e vërtetë dhe një revolucion i vërtetë, ia dolën sot para shqiptarëve si opozitë e vërtetë e vendosur për mbrojtur interesat e qyeterëve shqiptarë.

Një proces që ishte një betejë midis demokracisë dhe autokracisë midis legjitimes dhe jo legjitimes, midis bashkimit të vërtetë dhe përçarjes.

Ish-kryetari i PD-së i lejoi vetes në mënyrën më autokratike, duke shkelmuar mbi vullnetin e anëtarësisë i shprehur në statut në forumet e saj. Mori vendime tërësisht autokratike dhe jo demokratike, mbi të cilat nuk ndërtohet demokracia.

Ngritja juaj në këmbë nuk ishte asgjë tjetër në thelb se një betejë kundër autokracisë për të vendosur normat demokratike. Pra nuk ka betejë më të rëndësishme për një shoqëri të lirë. Ne duhet të zbatojmë ligjet që na diktojnë se liria e gjithsecilit prej nesh mbaron aty ku fillon e tjetrit. Ju e patë si u bëmë ne, lëshonte komunikata, përjashtohej ky largohej ay pra gjithçka bëhej në mënyrë të paligjshme dhe ne u ngritëm bashkë kundër këtij iligjitimiteti dhe çdo gjë që bëmë e bëmë bazuar në votën e lirë,” tha Sali Berisha ndërsa foli për rrezikun nga Edi Rama i cili si Enver Hoxha dhe Ramiz Aliaj, kërcënojnë interesin kombëtar për të ndjekur interesin e tyre politik, duke na prishur me perëndimin.

“Çdo njeri i qytetëruar ka interesat e tij, por për çdo njeri interesi primar është interesi kombëtar. Sado folklorik të duket është interesi i të gjitha interesave. Nëse nuk qëndrojmë të mbrojmë atë interes ne shkojmë drejt shpërbërjes. Ne kemi qenë jemi dhe do të jemi të rrethuar me albanofobi. Por problemi është se kjo albanofobi bëhet e efektshme kur ka një përputhje me qëllimet tona. Mund t’ju jap 100 shembuj por po ndalem në dy.

Kryeminstri shqiptar deklaroi tre ditë më parë në Bruksel se do presim deri në qershor dhe nëse nuk na i hapin negociatat ne do të rikonsiderojmë drejtimin e vendit. Në vitet 90 Ramiz Alia na thoshte se nuk jemi as Lindje as Perëndim. Enver Hoxha na çonte ku donte vetë. Tani na del Edi Rama. Ku do shkosh mor zotëri që paskësh nevojë të rishohësh orientimin tonë, drejt Beogradit apo drejt Stambollit. Jo mor zotëri e yll polar do të kemi Bashkimin Evropian. Shikoni në ç’kërcënim është interesi ynë kombëtar,” tha Berisha duke u ndalur te shembulli tjetër, që është dhe i pashmangshëm, votimi kundër Rezolutës që dënon gjenocidin serbë në Srebrenicë:

“Në mënyrë të paimagjinueshme deputetët e PS-së votojnë kundër dënimit të gjenocidit në Bosnje. Ai turp na ka ranë dhe ne të gjithëve, nga unë te ju e të gjithë ne. Ata e votuan por turpi u mbetet të gjithë shqiptarëve. Me këtë vendim ti shkelmon mbi kombin tënd. Shkelmon dhe mbi ato viktima të Bosnjes dhe që janë më shumë në Kosovë shqiptarë.

Po si mundet? Pse po ndalem këtu. Unë e kuptoj që njerëzit kanë 1000 halle të tjera, por problemi është që nëse nuk mund të zgjidhet kjo, nuk mund të zgjidhet asgjë. Duhet të mbrojmë interesin kombëtar, nëse duam të ndërpresim këtë rrokullisje të madhe. Ne sot përpara të tjerëve jemi më të përçuar. Kemi pësuar genocid ciklike, nuk pranojmë një genocid të sanksionuar nga dy gjykata ndërkombëtare.”

Edi Rama, tha Sali Berisha para demokratëve në Fier, ashtu si Enver Hoxha, përdor varfërinë për të ulur kokën e popullit.

“Enver Hoxha përdori varfërinë për tu ul kokën njerëzve. Po ky çfarë bën? Sot ata që marrin rrogë të mesme dhe të ulët, marrin 15% më pak se në 2013, por pse? Sepse ushqimet janë rritur mbi 100% nga 2014 deri sot, me statistika të Ramës dhe se këto familje shpenzojnë 50 deri 60 % të të ardhurave për ushqime. Varfëroi më shumë se ose heshtin ose ikin, kjo është politika.

“Unë po ndalem dhe po them a ka një përputhje mes faktorit albanofob të huaj dhe këtij vendas? Pse more zotëri nuk rrit rrogat 9 vite, u dyfishuan në 2005-2013, por rritja a e rrogave duhet të jetë qëllim kryesor i qeverisë. Kjo na çon drejt topitjes kombëtare. Nuk e shpëtojmë vetëm ne demokratët por të gjithë !”