Në foltoren e OKB, Edi Rama gallatë me shtetin e Baba Mondit, Aleksandar Vuçiç flet për Kosovën
Një ditë më parë shqiptarët kishin mundësi të shohin Kryeministrin e tyre Edi Rama se si bënë gallatë edhe në foltoren e Asamblesë së Përgjithshme të OKB me krijimin e një shteti të ri në tokën shqiptare; Dhe, që gallata të mos ketë as kuptim, kujdesin e këtij shteti e lë në duart e një Kryegjyshi Bektashian që nuk është zgjedhur nga Këshilli i Gjyshërve dhe është vetëm Ushtrues Detyre ndonëse shqiptarët e njohin si Baba Mondi!
Por, sot, nga po kjo foltore shqiptarët kishin mundësi të dëgjojnë vëllaun e Edi Ramës nga gjaku, Presidentin e Serbisë, Aleksandar Vuçiç, që fjalimin e tij ia kushton çështjes që çdo Kryeministër normal shqiptar do të duhej t’ia kushtonte, Kosovës!
Pasi e nisi fjalimin me argumentin se paqja është rruga e vetme që nuk ka alternativë, Vuçiç tha se këtë ia kemi borxh çdo viktime të pafajshme në botë, ku edhe sot ishte e qartë se shqiptarët nuk i konsideron viktima!
Dhe, e konfirmoi në çast këtë fakt makabër, duke folur për serbët në Kosovë që nën juridiksionin e OKB, nuk ka drejtësi dhe liri ndonëse dihet se nën këtë juridiksion kryesisht janë vrarë shqiptarë dhe përfaqësues të misionit të OKB-së.
Sot në 1 vjetorin e agresionit serb të Kosovës me sulmin terrorist të organizuar nga dora vetë Aleksandar Vuçiç, ai akuzoi Perëndimin që sipas tij kreu agresion ndaj Serbisë në vitin 1999, bëri përpjekje ta ndajë një pjesë të territorit të këtij shteti
“Sot në botë të gjithë flasin për Ukrainën, askush nuk guxon të flas për Serbinë. Dhe, kur flasin, flasin se si ne me urdhër të Rusisë, do të udhëheqim luftën në Ballkan. Dhe, gënjejnë gjatë gjithë kohës, më gjatë se dy vjet e gjysëm,” akuzoi Vuçiç Perëndimin ndërsa citoi ish-presidnetin amerikan, Barac Obama, ndërsa folir për situatën e serbëve në Kosovë.
“Do të citoi me këtë rast nobelistin dhe presidentin e Shteteve të Bashkuara, Barac Obama. Ai thotë: Paqja e vërtetë nuk është vetëm mungesa e konfliktit; ajo është prezencë e drejtësisë, lirisë dhe mundësisë për të gjithë,” dhe kaloi në akuzat e paskrupullta ndaj autoriteteve në Prishtinë:
“Për paarsyeshmërinë e politikës së pushtetit në Prishtinë dhe dëbimin e gjithçkaje që është serbe në Kosovë, flasin disa lëvizje shqetësuese duke filluar nga ndalimi i qarkullimit të dinarit që po zgjatë më shumë se 6 muaj dhe ndalimin e shërbimeve postare që është unike në botë, që cenon jetën e përditshme të serbëve dhe popullsisë tjetër joserbe, deri te ndalimi i vizitës së kreut të Kishës Ortodokse Serbe Porfirije në Patriarkanën e Pejës,” tha Vuçiç duke propaganduar nga foltorja e Asamblesë së Përgjithshme të OKB-së se Serbia është e përkushtuar për dialog me Prishtinën me ndërmjetësimin e BE për të luftuar që të mbroj paqen, kur të gjithë ata që po e dëgjonin e dinin se po flet një lider i shtetit që njeh vetëm krimet kundër njerëzimit dhe gjenocidin.
Në fund, duke cituar Nelson Mandelën se paqja e vërtetë dhe e qëndrueshme mund të arrihet vetëm me drejtësi dhe respektim të të drejtave të njeriut, njeriu që organizon trazira në Kosovë, pyet si i pafajshëm se si mund të ketë paqe në Kosovë kur atje në mënyrë sistematike shkelet rendi juridik dhe të drejtat themelore të një populli, tha Presidenti i Serbisë, Aleksandar Vuçiç, duke vazhduar të flas për serbë në Kosovë duke përfunduar:
“Vetëm një gjë nuk do t’ia japim kurrë, askujt, e kjo është liria dhe pavarësia e Serbisë. Si presidenti i Serbisë, besoj në botën e bazuar në vlerat e vërteta, dhe jo vlerat e rreme.”
