“Në gatishmëri lufte”/ Mediat botërore: Serbia po kërcënon me armatim rus!

Mediat botërore duke raportuar për vendimin e Beogradit për ngritjen e nivelit të gatishmërisë luftarake si të ushtrisë ashtu dhe policisë, thekson se Serbia e armatosur me donacione ruse po kërcënon.

Loja me armë është më e zëshme se kurrë, raporton BBC, pas vendimit të Beogradit për ngritjen e nivelit të gatishmërisë luftarake, si të ushtrisë ashtu dhe policisë ndërsa shton se Prishtina nuk ka komentuar deklaratat serbe se po përgatit sulme në veri të Kosovës.

Agjencia e lajmeve Associated Press thekson se “Serbia, e cila është e armatosur me donacione ruse dhe furnizime ushtarake nga Moska, ka kohë që luan me armë dhe kërcënon me forcë ish-krahinën e saj“.

“Serbia ka vendosur forcat e saj të sigurisë në kufi me Kosovën në gatishmëri të plotë lufte, duke injoruar thirrjet e NATO-s për uljen e tensioneve në mes të dy armiqëve nga koha e luftërave në Ballkan,” raporton AP duke shtuar:

“Nuk ishte e qartë se çfarë do të thotë ky urdhër në terren, pasi që forcat serbe ka kohë që është në gjendje gatishmërie në kufi me Kosovën.“

Albin Kurti: Në barrikada po imitojnë Drazhën

Ndërkohë Kryeministri i Kosovës, Albin Kurti, duke i cilësuar “wagner barrikada” tha se njerëzit që po qëndrojnë në këto barrikada po imitojnë gjeneralin çetnik Drazha Mihailoviç.

“Këto janë barrikada të njerëzve me uniforma të errëta, që janë tullac, me mjekërra, imitojnë Drazha Mihailoviçin. Wagner barrikada. Kanë pushka dh evendosin bartrikada jo që të mos kalojnë makinat, por që të mbrohet ky njeri i uniformuar nën armë që do të gjuanin mbi makina që do ju afrohen. Pra, këto janë barrikada luftarake,” vlerësoi Kryeministri Albin Kurti për median boshnjake “Istraga”.

Albin Kurti përsëriti se KFOR-i kërkoi kohë shtesë që të largojë barrikadat, por saktësoi se afati është “çështje ditësh” dhe se pushteti kosovar do ti largon vetë nëse misioni i NATO-s nuk e bënë.