Në Gjirokastër, Edi Rama: Besim te potenciali i spiunimit që ka tradita jonë!

Prezenca e Kryeministrit Edi Rama në Gjirokastër tregoi se sa e rilindur është qeverisja. Ministri i Brendshëm, Bledi Çuçi tha se turizmi është i vetmi aset që ka ky qark por Rama u pyet se si është e mundur që në Kalanë e Gjirokastrës prehet bileta për hyrje dhe dalje. Përgjigje nuk kishte dhe e kthej në batutë; Ashtu sikur se kur u pyet për kartën e studentit dhe tha se përgjigjen do ta jep nesër. Për bujqësinë Kryeministri mendon ta zgjidhë me vetëdeklarim dhe kur Ish-Ministri i Bujqësisë u mundua ti rikujtoi nevojën e pronësisë që duhet të argumentojnë fermerët, përveç Erion Braçes që tha se e ka opozitë, Edi Rama u shpreh se ka besim te potenciali i spiunimit që, siç tha, e ka tradita jonë!

Për të mos e mbylllur me turp këtë spektakël të drejtëpërdrejtë që po transmetohej në të gjitha televizionet, u tall me programit e Partisë Demokratike, dhe siç e do zakoni në këto raste premtoi Aeroportin e Kukësit dhe Vlorës.

Turizmi mund të jetë aseti i vetëm i këtij qarku, siç tha Bledi Çuçi, por pse është katandisur në këtë deregje dëshmon fakti se për të kujdeset Ministri i Brendshëm.

“Nuk vijmë që të bashkëbisedojmë me ju vetëm kur ka fushata, pasi kjo është bërë rutinë dhe ka qenë në filozofinë tonë. Frymë e dialogut është dhe qarku i Gjirokastrës. Ky qark ka një ofertë të qëndrueshme, për një zhvillim të qëndrueshëm. E gjithë zona e Labërisë do të jetë e lidhur me rrugë, me parametra bashkëkohore. Turizmi është i vetmi aset që ka ky qark dhe që të kthehet në ditët e veta të lavdishme,” tha Ministri i Brendshëm, Bledi Çuçi, por ai dhe shefi i tij Kryeministër nuk kishin përgjigje kur një vajzë pyesi se pse në Kalanë e Gjirokastrës, vizitorët pajisen me dy bileta, për të hyrë dhe për të dalë.

Edi Rama si Enver Hoxha, për anomali të tilla tha se nuk ishte në dijeni ndërsa e quajti pa sens si procedurë. E kur nuk ka se çfarë të thotë gjithmonë e kthen në batutë, si sot.

“Ajo që unë të falënderoj është se na bërë të qeshim me gjithë zemër këtu. Nuk di të them, se kisha dëgjuar këtë, por ka një zgjidhje, dhe duhet të ketë vetëm një biletë sipas meje, Se di se kujt i ngelet hatri këtu. Vetëm në Gjirokastër mund të ndodh që të blini dy bileta për të hyrë në një aktivitet. Edhe këtë i bëni njerëzve?! Do i vëmë nga Përmetit, drejtorët e muzeve, se kush ia merr biletën tjetrit,” tha Edi Rama i cili u zu ngushtë edhe nga një student i cili përkundër faktit që llomotitë Rama dhe Erion Veliaj ai tha se kartën e studentët nuk e kishte marrë dhe nuk e dinte se për çfarë dhe ku do ti shërbej.

As për këtë anomali nuk kishte përgjigje, por i premtoi studentit se do ti kthente përgjigje deri nesër!

Por ky transmetim i dhunshëm nga Gjirokastra nuk shkoi dëm! U shajt opozita ndëra nuk ngeli pa premtime.

Impaktin që ka Programi i Partisë Demokratike u mundua ta shuaj me banalitet, por sot verën nuk e kishte të duhurën. Një mjeke e re e cila nga Tirana është transferuar me punë në Gjirokastër, e pyeti nëse do t’ju mundësohej një bonus qiraje, dhe Kryeministri i cili nuk kishte përgjigje u pa qartë se e ka lexuar germë për germë Programin për Shëndetësi të PD, e ironizoi se këtë mund ta ofroj Programi i PD ashtu si dhe masazhe, fizioterapist, SPA apo dhe pishina.

“Sot ju merrni vetëm pagën, si mjekë që janë këtu vendas. Pasi 3 vite do të punoni atje ku ka nevojë atdheu. kjo është ideja, pasi është investim që e keni bërë ju dhe familja, por dhe nga shteti. Është fuqizim moral i figurës së mjekut në momentin kur del në front. S’di të jap një përgjigje tani për këtë. Pasi programi i partisë demokratike mund ta akomodojë këtë. Mund të ketë dhe bonsur për të shkuar në masazh, në fizioterapi private, pishina, SPAH, që do të ndërtohet sipas programit.”

E meqë ishte te Programi i PD u mundua ta denigorjë edhe zotimin për rritjen e pensioneve që pati shumë impakt ndër qytetarë.

“PD mund të rris pensionet sa hap e mbyll sytë, madje të ul sigurimet dhe të rris pensionet. Duke ulur prodhimin e qumështit, duke rritur prodhimin e djathit. Ka një formulë se si mund  të ndodhi kjo. Ai që të jepet për djathë, në fakt është sapun. Kush ta marri ta marri, kush ta hajë ta hajë, Po e hëngri shumica, ‘fiton Shqipëria’. Ne e kemi rritur listën e barnave të rimbrueseshme. As këtë dhe as atë që themi s’dua që të jenë si tema fushatë, pasi nuk jemi në fushatë. Atë do ta bëjmë se jemi para popullit në funksion të zgjedhjeve,” tha Edi Rama me lehtësi pasi për 8 vjet potenciali i spiunimit që ka merret me bëmat e demokratëve dhe jo shtetit të cilin e shkërmoqi si vrimën e Artan Lames!

Në fund, për të mos ikë nga ky burim spiunazhi, Kryeministri Edi Rama dha një lajm të mirë, për ndërtimin e Aeroportit të Vlorës dhe të Kukësit.

“Shpresoj që këto ditë të kemi fituesin e garës ndërkombëtare që u bë si legjenda e Rozafës, pandemia, hapje-mbyllje, kredia, etje. Këtu në Gjirokastër bëhet fjala për dy aerodrome, që do të jenë turistike.”