Në Greqi pa mish, djathë, qumësht… ja rregullat doganore për hyrje në shtetin helen
Për të gjithë ata që kanë vendosur që pushimet ti kalojnë në bregdetin grek, duke menduar se mund të kursejnë ndërsa marrin me vete ca gjëra për shkak të çmimeve të larta në këtë shtet të BE, duhet ta dinë se shteti grek do të ndaloj futjen e mishit dhe produkteve të tij, qumështit dhe produkteve të tij, si dhe mallit që skadon!
Mund të marrësh me vete pesë kilogram fruta e perime me përjashtim të patateve, dy kilogram qumësht pluhur për bebe ose ushqim për bebe, si dhe 2 kilogram ushqim për qenë dhe mace!
Gjithashtu, autoritetet doganore greke nuk do të reagojnë nëse keni, oriz, makarona, biskota, çokollata, ujë, lëng frutash, përderisa të gjitha këto ushqime nuk e kalojnë shumën prej 300 eurove, përkatësisht 150 për persona nën 15 vjeç.
Mallra tjera, që turistët shqiptarë nuk është nevoja ti deklarojnë, janë:
Udhëtarët që shkojnë nga shtetet e BE:
– 800 cigare ose 400 puro ose 1 kg duhan
– 10 litra pije alkoolike, 90 litra verë, 110 litra birrë
– S’ka kufizim për parfume
Udhëtarët që shkojnë me avion nga shtetet evropiane jashtë BE (si Shqipëria):
– 200 cigare ose 50 puro ose 250 gram duhan
– 1 litër pije alkoolike mbi 22%, 4 litra verë, 16 litra birrë
– 50 gram parfum dhe 250 mililitra eau de toilette
– Dhurata deri në vlerë 175 euro për person dhe 90 euro nëse personi është më i ri se 15 vjeç
– Deri në 10 mijë euro cash. Vlera mbi 10 mijë euro duhet të deklarohet.
Udhëtarët që shkojnë me makinë ose autobus nga shtetet evropian jashtë BE (si Shqipëria)
– 40 cigare ose 20 puro ose 50 gram duhan
– 1 litër pije alkoolike mbi 22% ose 2 litra nën 22%, 2 litra verë
– 50 gram parfum dhe 250 mililitra eau de toilette
– Deri në 10 mijë euro cash. Vlera mbi 10 mijë euro duhet të deklarohet.
Vërejtje: Miratimi për cigare dhe alkool nuk vlenë për persona nën 18 vjeç.
Vërejtje për cigare: Lejohet futja e cigareve deri në 200 cigare (1 stekë) kur përdoret limiti i lartë ose 40 cigare (2 pako) kur zbatohet limiti i ulët.
Greqia ka të drejtë (për udhëtarët që vijnë në rrugë tokësore ose detare, me makinë ose autobus) të aplikoj limitin e ulët të futjes së cigareve – 40 cigare.
Ka ndodhur që doganierët grekë të bëjnë problem cigaret, në fillim ose në fund të sezonit turistik kur kanë më shumë kohë që të kontrollojnë futjen e cigareve dhe ushqimit të ndaluar, dhe i janë referuar këtij limitit më të ulët, por në të shumtën e rasteve as që kanë pyetur për cigare, ose ti kenë kontrolluar makinat.
Çka nuk është e lejuar
Është e ndaluar të futen bimë me dhe. Pa leje të posaçme nga Shërbimi Arkeologjik i Athinës, nuk lejohet të nxirren jashtë shtetit grek, antikitete. Ai që injoron këtë procedurë mund të kallëzohet penalisht.
Lejohet një dërrasë për sërf / për person, të futet ose nxirret pa doganë, nëse është deklaruar në pasaportë me rastin e futjes në Greqi.
Anulimi i mallit pa doganë në kuadër të BE
Më 30 Qershor 1999, shitja e alkoolit dhe cigareve pa doganë në aeroporte dhe det është hequr në 15 shtete anëtare të BE. Këto rregulla vlejnë edhe për 10 shtetet që u anëtarësuan në BE në majin e vitit 2004 si dhe ato në janarin e vitit 2007.
Udhëtarët duhet ta kenë parasysh se nga ata mund do të kërkohet në doganë që të konfirmojnë se malli është blerë për nevoja personale. Shtetet anëtare mund të aplikojnë rregulloren e BE e cila lejon këto sasi: 10 litra pije alkoolike mbi 22%, 90 litra verë, 110 litra birrë, 800 cigare dhe 1 kilogram duhan.
Kthimi i TVSH (VAT) në Greqi
Të gjithë vizitorët në shtetin helen që nuk janë nga vendet e BE mund të marrin mbrapsht në pikën doganore kur kthehen, paratë e VAT-it (TVSH greke që është 24%) për vlerën e mallit të blerë mbi 50 euro.
