Ne jemi në betejë, Berisha: Ta shporrim Edi Ramën dhe regjimin e tij!

Në prag të Protestës Kombëtare të 3 Marsit para Kryeministrisë në Tiranë, Kryetari i Partisë Demokratike, Sali Berisha, përmes një mesazhi shprehet se opozita është në betejë dhe me pasion e sakrifica do e shporr Edi Ramën dhe regjimin e tij ndryshe do ti dënoj historia.

“Do jemi në betejë, duhet të bëjmë gjithçka me pasion me sakrifica. Ne do përdorim çdo mjet të mosbindjes civile për t’i shkurtuar ditët dhe për të përmbysur këtë regjim.

Ky regjim është më i egër se çdo pushtim që shqiptarët kanë në histori.

Ky regjim me politikat që ka ndjekur, me varfërimin masiv të shqiptarëve, me shndërrimin e votës në një letër pa vlerë, ua ka nxirë jetën shqiptarëve,” tha Kryetari i PD, Sali Berisha, në mesazhin e tij duke e shoqëruar me një video ndërsa përfundon:

“A mundet ne ta pranojmë për kryeministër, një njeri që vjedh shqiptarët, i varfëron, i mjeron dhe i degdis në dhera të tjera? Nuk ka dënim më të madh që do na bëjë historia nëqoftëse nuk e shporrim atë dhe regjimin e tij.