Në kampin e Gjadrit, Renzi: Të kthehet në burg për shqiptarët të cilët vuajnë dënimin në Itali!

Gjatë vizitës në Qendrën e refugjatëve në Gjadër, Ish-kryeministri italian, Matteo Renzi, ka paraqitur propozimin për kthimin e kësaj qendra në burg për shqiptarët e dënuar në Itali, ndërsa nuk ka kursyer as akuzat ndaj Qeverisë Meloni.

“Do ishte më e udhës që këtë qendra të shndëroheshin në burgje për të bërë të mundur që shqiptarët që janë dënuar në Itali të kenë mundësi të jenë më afër familjes së tyre. Ajo që thuhet në Itali, është vetëm propagandë. Është propagandë e Giorgia Melonit, ajo është në influencere shumë e mirë,” tha Matteo Renzi duke shtuar se ndonëse Meloni pretendon se numri i emigrantëve ka rënë, ky numër në vitin 2023 ishte më i lartë se në vitin 2015.

Humbjen e madhe financiare që ka shkaktuar kjo situatë, tha Renzi, ku qeveria italiane ka humbur gati një miliardë euro, nuk janë të të majtëve apo të djathtëve, por të popullit italian dhe buxhetit të shtetit.

“Këto para nuk duhet të shpenzohen për qendrat e emigrantëve në Shqipëri, por për klasën punëtore në Itali, për pensionet dhe për rritjen e pagave! 

Nuk është arsye politike pse jam këtu, por për të dhënë një mesazh, qe qeveria me propagandë po humbet para, paratë e italianeve dhe kjo është skandaloze. Zgjidhja e vetme është që kjo qendër në një marrëveshje me Shqipërinë, t’i jepet Shqipërisë dhe të mirëpresë të burgosurit shqiptarë sot në Itali,” tha Ish-kryeministri italian, Matteo Renzi, pas vizitës në Qendrën e refugjatëve në Gjadër duke përfunduar:

“Me kaq para në Itali mund të bëhen qindra qendra të tilla, pse nuk u ndërtuan në Itali, cili ishte motivi. Shqipëria do të hyjë në BE, por ky është një mesazh që e largon Shqipërinë nga BE.”