Në Këshill Politik s’ka konsensus, Konferenca e Kryetarëve: Ndryshimet kushtetuese në Kodin Zgjedhor kalojnë më 1 tetor!

Në mungesë të konsensusit në Këshillin Politik për Reformën Zgjedhore, Përfaqësues i Partisë Socialiste në Këshill, Damian Gjiknuri, dje paralajmëroi se me apo pa Opozitën e Bashkuar, ndryshimet kushtetuese do të reflektohen në Kodin Zgjedhor brenda afatit, dhe sot kjo u zyrtarizua nga Konferenca e Kryetarëve.

Mësohet se sot në mbledhjen e Konferencës së Kryetarëve është vendosur që më 1 Tetor të votohen në Parlament ndryshimet në Kodin Zgjedhor.

Ndërkohë Opozita e Bashkuar ka dorëzuar një kërkesë zyrtare për çështjet që nuk ka konsensus në Këshilli Politik që t’i drejohen OSBE/ODIHR-it por kjo është refuzuar nga mazhoranca e cila vazdon ti qëndroj besnike draftit të saj me Lista të Hapura 100% por pa i hapur, prag zgjedhor 3% dhe koalicione parazgjedhore me listë shumëemërore të përbashkët

Ndryshe, afati i Komisionit të Posaçëm Parlamentar për të reflektuar ndryshimet në Kodin Zgjedhor është deri më 30 Shtator.