Në Konferencën e Borchard/ Gratë e Unazës Re: Gishti i mesit nuk mund të na japë leksione për lirinë e mediave!
Përfaqësuesit e disa mediave iu nënshtruan Ambasadorit të paskrupullt, Berndt Borchard, duke marrë pjesë në Konferencën e organizuar nga OSBE, “Forumi për zhvillimin e Medias”, por ishin gratë e Unazës së Re të cilat u fyen dhe vazhdojnë të fyen nga Prezenca e Organizatës për Siguri dhe Bashkëpunim Evropian në Tiranë e cila vazhdon të kryesohet nga Borchardt, të cilat i rikujtuan këtyre të nënshtruarëve dhe Ambasadorit të BE, Luigi Soreca, që po i qëndronte në krah të majt, se ky njeri nuk duhet të qëndroj për asnjë moment në vendin tonë dhe aq më pak të jap leksione për lirinë e medias.
“Gishti i mesit nuk mund të na japë leksione për lirinë e mediave” ishte njëra nga pankartat e Grave të Unazës së Re që u fyen nga Berndt Borchard me gishtin e mesëm që u kishte treguar vetëm pse thirrën “Rama Ik!” kur ai po kalonte pranë grave që po protestonin kundër arrestimit të kryefamiljarëve të tyre.
Kështu, gratë e Unazës Re që arritën të ndërprejnë fjalëne Borchardt në Konferencë duke thirrë “Borschardt shame on you” ndërsa kishin dhe pankarta me përmbajtje “Borchardt shko në shtëpi dhe merre gishtin tënd të mesit me vete”, nuk ndikuan tek gazetarët shqiptarë që po dëgjonin pa u shqetësuar leksionin për lirinë e medias nga njeriu që fyen motrat, gratë dhe nënat shqiptare.
Dhe jo vetëm kaq! Gratë e Unazës Re u nxjerrën jashtë nga organizatorët dhe në fjalën e tij më pas Ambasadori, duke kërkuar ndjesë për të pranishmit, vazhdoi:
“…Ka disa faqe portale që përdorin informacion të ndikueshëm, të anshëm dhe të pavërtetë dhe pronarët e tyre nuk dihen se kush janë. Ne nuk mund të bëjmë sikur kemi harruar disa raste që gazetarët janë kërcënuar dhe ne e kemi ndjekur nga afër këtë çështje.
Këto çështje janë të rëndësishëm për t’u ndjekur dhe janë shumë e rëndësishme ndryshimet në ligjin mbi median. Kemi përfaqësues të medias së lirë për të zhvilluar më në detaj dhe do japim mbështetjen tonë për profesionistët e medias. Inkurajojmë gazetarët të bëjnë më të mirën e tyre dhe ne kemi dhënë rekomandimet e tyre sa i përket medias, mbi të gjitha mbi transparencën dhe ndaj profesionalizimit në media. Këto janë disa çështje që nuk kanë të bëjnë vetëm me qeverinë, por janë detyrat që janë edhe për gazetarët,” tha Borchardt i cili në krah kishte Ambasadorin e pashqetësuar Soreca që krah kishte një Ambasador të pasjellshëm i cili kryeson edhe Konferencë për lirinë e medias.
Ambasadori Soreca tha se duhet t’i jepet fund ndikimit të politikës në media dhe mungesës së transparencës por nuk foli asgjë për sjellet prej rrugaçi që të një Ambasadori, aq më shumë kur ai është në krye të Prezencës së OSBE. Gjithsesi Luigi Soreca vazhdoi:
“Është shumë e rëndësishme që të flasim për lirinë dhe zhvillimin e medias. Ka pasur zhgënjim sa i përket kushteve ekonomike dhe politike për të zbatuar lirinë në media. Sundimi i ligjit në sektorin e medias është mjaft i rëndësishëm dhe është shumë e rëndësishme që t’i jepet fund ndikimit të politikës në media dhe mungesës së transparencës. Mbështetja jonë është e madhe ndaj lirisë së medias. Bashkë me Këshillin e Evropës kemi prezantuar projektin tonë të përbashkët sa i përket lirisë së medias. Është shumë e rëndësishme liria e shprehjes.
Pavarësia në këtë sektor është tejet e rëndësishme dhe për këtë po luftojnë partnerët tanë. Duhet theksuar edhe Universiteti i Gazetarisë, që përgatit brezin e ri të gazetarëve. Kemi pasur një bashkëpunim të shkëlqyer sa i përket lirisë së medias. Duhen kapacitet të reja për të mbështetur gazetarët dhe për të promovuar të drejtat e tyre. Duam të mbështesim edhe gazetarët investigativë të pavarur në projektet e tyre. Të japim mbështetje për raportin e paanshëm. Gazetarët duhet të vijnë me ide të reja. Do të japim mbështetje për të gjitha këto. Jemi plotësisht në anën e gazetarëve në Shqipëri, për të bërë një punë profesionale dhe ashtu siç duhet. Duhet ndjekur me vëmendje situata politike në vend. BE ka bërë përpjekje për të mbështetur të gjitha shërbimet e medias.
Kemi adresuar të gjitha shqetësimet tona, deri më tani nuk është arritur gjithçka që duam, por po përpiqemi për të ecur përpara. Komisioni Evropian i ka shprehur të gjitha shqetësimet lidhur me pasiguritë ligjore dhe për median audiovizive. Janë të rëndësishëm disa rregullatorë në media, dhe të gjitha këto në kuadër të lirisë së medias dhe të shprehjes. Informacionet false janë shumë të këqija dhe shkojnë në dëm të medias. Duhen ndjekur të gjitha parimet e lirisë së medias. Dizinformimi është gjithashtu në dëm të medias. Presim një draft të ri që të jetë pikërisht për këtë çështje. Duam një shoqëri që të informohet ashtu siç duhet nga media,” tha Ambasadori i BE, Luigi Soreca.
