Në Kongresin Amerikan, Edward Joseph: Në Shqipëri ka rënë pluralizmi politik!
Washingtoni duhet të ngrejë pyetje lidhur me sundimin e ligjit, integritetin dhe efikasitetin e gjyqësorit, arrestimet dhe ndjekjen penale të liderëve të opozitës, si dhe rënien e pluralizmit politik, tha Profesori amerikan në Universitetin Johns Hopkins në Washington, Edward Joseph, në dëshminë e tij para Komitetit për Politikë të Jashtme të Dhomës së Përfaqësuesve të Shteteve të Bashkuara ku u diskutua për çështjen e Ballkanit.
“Më në fund e shkëputur nga rruga e vështirë e anëtarësimit të Maqedonisë së Veriut në BE, Shqipëria po bën përparime mbresëlënëse drejt anëtarësimit.
Sundimi i ligjit mbetet një kërkesë thelbësore. Shtetet e Bashkuara dhe shtetet kryesore të BE-së prej kohësh kanë mbështetur përpjekjet për të ndërtuar një gjyqësor të pavarur, të besueshëm dhe efikas në Shqipëri. Të dhënat sugjerojnë një stok të fryrë çështjesh të mbetura pezull, duke i lënë qytetarët të presin me vite për një vendim përfundimtar. Këto vonesa minojnë besimin publik dhe të drejtën për proces të rregullt ligjor,” tha profesori i njohur amerikan dhe njohësi i mirë i Ballkanit ku foli dhe për zgjedhjet me shumë probleme të 11 Majit ndërsa citoi Raportin e OSBE-ODIHR-it:
“Raporti i vëzhgimit të zgjedhjeve i OSBE/ODIHR për zgjedhjet e majit identifikoi një sërë ndërhyrjesh në procesin zgjedhor. ODIHR citoi raportime për frikësim, keqpërdorim të burimeve publike dhe presion ndaj punonjësve publikë, raste frikësimi dhe blerje votash, si dhe probleme me sekretin e votës,” tha tha Profesori amerikan në Universitetin Johns Hopkins në Washington, Edward Joseph, para Komitetit për Politikë të Jashtme të Dhomës së Përfaqësuesve të Shteteve të Bashkuara ku u diskutua për çështjen e Ballkanit duke përfunduar:
“Ndërsa SHBA vazhdon bashkëpunimin e ngushtë me Tiranën, një aleate besnike e NATO-s dhe partnere e SHBA-së, Washingtoni duhet të ngrejë pyetje lidhur me sundimin e ligjit, integritetin dhe efikasitetin e gjyqësorit, arrestimet dhe ndjekjen penale të liderëve të opozitës, si dhe rënien e pluralizmit politik.”
