Në Kroaci 240 mijë turistë, radhë kilometrike drej bregdetit, në kufi pritje deri 3 orë

Sipas të dhënave të eVisitor, në Kroaci aktualisht janë më shumë se 241 mijë turistë, mbi 200 mijë prej të cilëve të huaj. Kjo ka bërë që në kufirin me Kroacinë dhe rrugëve që të çojnë në bregdetin kroat të krijohen radhë kiloemtrike.

Nëse kësaj i shtojmë dhe fundjavën ku kroatët kanë vendosur ta kalojnë në freski, atëherë radhët kilometrike detyrimisht janë krijuar në të gjitha vendkalimet kufitare pasi kemi një fluks të shtuar në Autostradën A1 dhe atë A6, dhe hyrjet në qytetet bregdetare.

Për shkak të këtij fluksi të shtuar të automjeteve radhë janë krijuar edhe në rrugën nacionale të Adriatikut DC8 në veçanti tek hyrjet në pikat turistike, urës së Krçkos DC102, Bypassit të Rijekës B8 dhe ypsilonit të Istrës B8 në mes të kryqëzimit të Lupoglavës dhe Cerovles.

Autoklubi i Kroacisë, HAK, duke paralajmëruar se në shumicën e vendkalimeve kufitare me Sloveninë dhe Hungrainë ka radhë kilometrike, i bënë thirrje shoferëve për durim.

Kështu në vendkalimin Metkoviç-Dolani me Bosnje Hercegovinën pritet deri në 30 minuta; Në vendkalimin Goriçan II – Letenje II me Hungarinë gjithashtu pritet 30 minuta; Me Sloveninë situata është më serioze. Në vendkalimin Macel – Grushkovle pritja shkon mbi 1 orë, Bregana – Obrozhje mbi 30 minuta, Rupa 30 minuta, Plovanija – Seçovle mbi 30 minuta, Kashtel – Dragonja 30 minuta, Jurovski Brod – Metilika mbi 30 minuta, Brod na Kupi – Ptrina 30 minuta, Lupinjak – Dobovec mbi 1 orë dhe Pribanjci -Vinica mbi 30 minuta; Ndërkohë me Serbinë, në vendkalimin Bajakovo – Batrovci 1-2 orë ndërsa në Tovarnik -Shid 3 orë.

Ndryshe, sipas të dhënave të eVisitor, më së shumëti turistë ka në Istër – 81.000, Kvarner – 51.000, Split-Dalmaci – 38.000 dhe Zarë – 32.000, ndërsa sipas destinacioneve Rovinj, Poreç, Viru, Medulin dhe Mali Loshinj. Numri i turistëve që veçohen janë nga Gjermania, Slovenia, Austria, Çekia dhe Polonia.