Në Kroaci edhe 12 raste – gjithsej 81, në Serbi edhe 11 – 83 të prekur me koronavirus

Në Kroaci janë shënuar edhe 12 raste dhe sot kemi gjithsej 81 raste të prekurme koronavirus ndërsa në Serbi raportohen edhe 11 raste ose 83 të prekur me koronavirus.

Në përditësimin e të dhënave sot Shtabi Kombëtar i Mbrojtjes Civile të Kroacisë raporton se janë edhe 12 raste të reja që çojnë në 81 numrin e të prekurve me koronavirus nga gjithsej 1100 testime. Në mesin e të prekurve janë edhe 8 mjekë, disa prej të cilëve ishin për ski në Austri ku dhe janë infektuar.

Ndërkohë sot pritet që Qeveria e Kroacisë të miratoj masa më të rrepta për parandalimin e përhapjes së koronavriusit, ku përfshihen mbyllja e pubeve, kinemave, teatrove, palestrave… Madje, për të moshuarit pritet të ndalohet plotëssisht qarkullimi.

Nga Serbia ndërkohë kemi edhe 11 raste të reja nga 47 të testuar duke e çuar numrin në 83 të atyre që janë prekur me koronavirus. Nga Klinika Infektive bëhet e ditur se 4 prej tyre janë izoluar në shtëpi ndërsa 7 pacien që kanë rezultuar pozitiv në COVID 19 po trajtohen në spital dhe gjendja e tyre është stabël.

Ambasada kineze në Beograd ka bërë të ditur se së shpejti nga Kina pritet të vijë në ndihmë pajisje mjekësore, respiratorë, maska dhe material tjetër mbrojtës, si dhe ekspertë të sapodalur nga “lufta” me koronavirusin.

Duke filluar nga ora 10, në fuqi janë masat e reja me të cilat ndalohet absolutisht lëvizjet e njerëzve mbi 65 vjeç në zona urbane, dhe në qytete më të vogla, zona rurale, është e ndaluar të lëvizësh nëse keni mi 70 vjeç. Ndërsa ora policore është vendosur nga ora 8 e mbrëmjes deri në 5 të mëngjesit.