Në kufi pa atdhe, Apel Basha: Sot, tragjedia të marrë fund!
Mbyllja e kufirit për dhjetëra shqiptarë në Kapshticë, të bllokuar në tokën neutrale Shqipëri-Greqi, për Kryetarin e Partisë Demokratike, Lulzim Basha, është një akt kriminal dhe i papërgjegjshëm.
“Qeveria shqiptare është përgjegjëse për jetën e çdo shqiptari. Kushtetuta e Shqipërisë e detyron qeverinë të mos lërë pa atdhe asnjë shqiptar. Ata nuk mund të trajtohen kurrësesi si refugjatë nga shteti i tyre,” thekson Lulzim Basha në reagimin e tij përmes rrjetit social Twitter ndërsa i bënën apel qeverisë ti jep fund kësaj tragjedie:
“Tragjedia që po luhet prej 4 ditësh para syve tanë me jetët e dhjetëra shqiptarëve duhet të marrë fund sot!”
Ja statusi i plotë:
Mbyllja e kufirit për dhjetëra shqiptarë në tokën neutrale Shqipëri-Greqi dhe ndalimi i tyre për të hyrë në atdhe e për tu kthyer në shtëpitë e tyre, është një akt kriminal dhe i papërgjegjshëm.
Qeveria shqiptare është përgjegjëse për jetën e çdo shqiptari. Kushtetuta e Shqipërisë e detyron qeverinë të mos lërë pa atdhe asnjë shqiptar. Ata nuk mund të trajtohen kurrësesi si refugjatë nga shteti i tyre.
Tragjedia që po luhet prej 4 ditësh para syve tanë me jetët e dhjetëra shqiptarëve duhet të marrë fund sot!
