Në kufirin Kosovë-Serbi, kolona të gjata në dalje, pritje deri në 3 orë

Fluksi i madh i bashkatdhetarëve që po kthehen në vendet e tyre ku jetojnë dhe punojnë pas pushimeve të fundvitit në vendlindje ka bërë që të shkaktohen kolona të gjata të makinave në pikat kufitare me Serbinë.

Në Merdar pritjet për të kaluar kufirin janë deri në 3 orë, derisa kolona e automjeteve është 1.5 km. Situatë e njëjtë është edhe në pikëkalimin kufitar te Dheu i Bardhë.

Sipas të dhënave të publikuara nga Ministria e Punëve të Brendshme në orën 10:12, pritjet në Jarinje janë rreth dy orë, derisa në Mutivodë e Muçibabë pritjet për dalje nga Kosova shkojnë deri në 1 orë e gjysmë.

Ndërkohë pritjet për hyrje në Kosovë janë 3 deri në 5 minuta.