Në kufirin Serbi-Kroaci, arrestohet një shqiptar me 11 kg heroinë

Në vendkalimin Batina duke u futur në Kroaci, është arrestuar shoferi shqiptar 20-vjeçar, pronar i makinës me targa të Shqipërisë, ku u gjetën 11 kilogramë heroinë.

Pas dyshimit të zyrtarëve të policisë kufitare kroate se 20-vjeçari po transportonte drogë, automjeti u kontrollua nga qeni i cili reagoi pozitivisht për praninë e drogës.

Zyrtarët policor nga departamenti i krimit dhe drogës, së bashku me Policët kufitarë të Beli Manastirit dhe zyrtarët e autorizuar doganor, dhe, bazuar në vendimin e Gjykatës në Osiek, kryen kontrollin dhe në pjesën e modifikuar të kroskotit gjetën 21 pako me 10.924 gramë heroinë, e cila u konfiskua pasi iu lëshua mandati, raporton Agjencia kroate e lajmeve Index.

Shtetasi shqiptar u arrestua dhe aktualisht është në paraburgim ndërkohë kundër tij është ngritë padi penale nga Drejtoria për luftën kundër korrupsionit dhe krimit të organizuar për shkak të dyhsimit të bazuar se ka kryer vepër penale të prodhimit të pautorizuar dhe trafikut të drogës si pjesë e grupit të strukturuar kriminal, thekson policia kroate përmes një njoftimi..