Në kulmin e histerisë rilindase humane, 99% e afganëve e duan Sheriatin dhe 87% vrasjen me gurë

Pse talibanët e pushtuan Afganistanin në më pak se 10 ditë, shumë më shpejtë se amerikanët dhe britanikët në vitin 2001, dhe pse lufta e gjatë 20 vjeçare ku SHBA shpenzoi 2 trilionë dollarë, 80 miliardë prej të cilave për armatim dhe aftësim të policisë dhe ushtrisë afgane, pas tërheqjes amerikanë përfundoi me një dështim të tillë katastrofik, nuk i intereson shqiptarëve pasi lideri i tyre suprem doli dhe tha se ne duhet ta ndihmojmë popullin afganë, përkatësisht aleatët tanë strategjik.

Para se ky popull bujar t’i përgjigjet Edi Ramës “peqe, lepe!”, duhet ta kuptoj në gjithë këtë katrahurë se nuk mund të bëhen paralele me Kosovën siç bën lideri suprem, mund ti strehojë jo 2 mijë por 20 mijë afganë, por duhet ta dijë atë që është më e rëndësishme, se populli afganë mbështet talibanët ose të paktën i preferon përballë qeverisë së pranuar demokratike të Kabulit dhe përrallat e sajuara me elitën që do vijë në Shqipëri nuk qëndrojnë. Pse?!

Sondazhi: Afganët i konsiderojnë talibanët si kërcënim

A është vërtetë kështu, nuk mund të konfirmohet. Sondazhet publike, siç është ajo e The Asia Foundation, nuk dëshmojnë mbështetjen e talibanëve ndër afganë, por të kundërtën. Sipas sondazhit të kësaj kompanie nga viti 2019, 65.6 për qind e afganëve të anketuar thonë se nuk do të votonin një president i cili do të arrinte marrëveshje paqësore me talibanët nëse gratë nuk do të mund të shkolloheshin.

Madje 93.1 për qind e tyre thanë se ndjejnë frikë nëse takohen me talibanë, e 68.9 për qind e tyre se talibanët paraqesin kërcënimin më të madhe për siguri. 85.1 për qind e tyre përgjigjet se nuk i pëlqejnë talibanët dhe 88.7% për qind se mbështesin negociatat paqësore me talibanët.

Është me rëndësi të theksohet se sondazhi është realizuar drejtëpëdrejtë me 17.812 afganë, 49 për qind prej të cilëve gra, kështu që qëndrimet e tyre janë përfaqësuar në mënyrë të barabartë.  

Nga ana tjetër sondazhi i madh Pew Research Center nga viti 2013 që është kryer në 39 shtetet me shumicë myslimane në 38 mijë të anketuar mysliman, dëshmon se 99 për qind e afganëve, pra gati të gjithë, mendojnë se Sheriati përkatësisht Kodi ligjor islam, duhet të jetë ligji zyrtar. 73 për qind prej tyre besojnë se Sheriati është fjala e Zotit e cila i është zbuluar njeriut, dhe 67 për qind besojnë se ekziston vetëm një mënyrë e drejtë e interpretimit të Sheriatit.

61 për qind e afganëve të anketuar kanë theksuar se Sheriati duhet aplikuar ndaj të gjithë qytetarëve, dhe jo vetëm ndaj myslimanëve. Natyrisht, interpretimi se si duhet të zbatohet Sheriati ndryshon në vendet e ndryshme me shumicë myslimane por 81 për qind e afganëve mbështetë dënimin fizik në kuadër të Sheriatit, i ashtuquajturi hudud, për krimet siç është vjedhja. E dënimi i cili është parashikuar sipas Sheriatit për vjedhje është prerja e dorës.   

85% mbështet vrasjen me gurë të grave për tradhti

Një përqindje shumë më e madhe e afganëve, 85 për qind prej tyre, mbështesin gjuajtjen me gurë deri në vdekje si dënim të grave që tradhtojnë, siç parashikohet  me Sheriat. Dhe, 79 për qind e afganëve të anketuar mbështesin dënimin me vdekje për ata që braktisin fenë islame.

Gjithashtu, 78 për qind e afganëve janë dakord që gjyqtarët e Sheriatit duhet të zgjidhin kontestet familjare dhe ato të pronave. Interesante është se 88 për qind prej tyre beson se ligjet ekzistuese në Afganistan në pjesën më të madhe janë me Sheriatin. Ndryshe, emri i plotë i shtetit i cili është themeluar në vitin 2004 me mbështetjen e amerikanëve e që sot nuk ekziston më është, Republika Islamike Afganistani, Kushtetuta e të cilit në një pjesë është e bazuar në Kuran dhe Sheriat.

Përveç kësaj, përqindja e afganëve që konsiderojnë se përdorimi i vetëvrasësve me bombë për të mbrojtur islamin ndonjëherë është i arsyeshëm gjithashtu është fatal, plotë 39 për qind.

Sipas sondazhit Pew Research, 60 për qind e afganëve mendon se vrasja e grave  për mbrojtjen e “nderit” (kryesisht kur gruaja e “ç’nderon” familjen me tradhti, marrëdhënie seksuale para martesës ose refuzimin e martesës me shkuesi) ndonjëherë është i arsyeshëm, dhe 59 për qind mbështesin edhe ekzekutimin e mashkullit që kapet në flagrancë duke tradhtuar.

Vetëm 30 për qind e afganëve konsideron se gruaja ka të drejtën e përzgjedhjes nëse do të mbajë shaminë (përkatësisht hixhabin ose burkën) ose jo, ndërsa 95 e të anketuarve mendon se predikimi i fesë ndër të pafe është obligim fetar. 

Ky sondazh gjithashtu është realizuar ndër meshkuj dhe femra, por hulumtuesit theksojnë se kampioni kishte një pjesë të madhe jo proporcionale të pjesëmarrjes së meshkujve për shkak të vështirësive praktike me rastin e intervistimeve  të grave në disa pjesë të vendit.

Është vështirë të thuhet nëse përqindjet do të ishin të ndryshme sikur kampioni të ishte më përfaqësues dhe cila është arsyeja që këto rezultate janë në kundërshtim me rezultatin e sondazhit të The Asia Foundation.

Por, po aq e vështirë është të flitet për mbarëvajtjen e operacionit të strehimit të afganëve siç flet Edi Rama, pavarësisht se çfarë mendojnë shqipot mendjefikur, ky llum njerëzor i rrjeteve sociale ose militantët e liderit suprem, kur kemi parasysh qeverisjen e talibanëve gjatë periudhës 1996-2001 dhe mesazheve që përçuan gjatë këtyre ditëve me t’u kthyer në fron. Nga njëra anë theksojnë se do të mbrojnë të drejtat e grave, por “në kuadër të Sheriatit, siç tha zëdhënësi në konferencën e parë për shtyp, nga ana tjetë, duke shtuar se do të mund të shkollohen dhe punojnë në disa sektor.

Pra, vend për histeri humane nuk ka, aq më pak për ekzaltim, qoftë ky dhe rilindas. Sërish shpresat i kemi te Amerika nëse diçka nuk shkon sipas Planit… pafrike.al © Të gjitha të drejtat e rezervuara