Në kulmin e krizës, mjeshtëri i propagandës, Edi Rama, ngatërron dhe fëmijët…

Në kulmin e krizës ekonomike, kur asgjë nuk paguhet me cash, kur borxhet e kompanive ndaj njëra tjetrës po thellohen dhe nuk kanë mundësi likuiditeti, kur çdo ditë po denoncohen akte të rënda të qeverisë, kur së fundit u bë e ditur edhe shifra e frikshme prej 40 milionë eurosh që Edi Rama ka shpenzuar në shtatëmujorin e parë të këtij viti vetë për rregullimin e zyrave, videokryeministri del me një projeksion të ri.

Në këtë mëngjes të rëndë të 16 gushtit, kur njerëzit e kanë harruar fjalën plazh, Edi Rama me videon e tij u tregon “namin” që ka bërë Qendra Kulturore për Fëmijë përgjatë tërë sezonit turistik nga Jugu në Veri me aktivitete dhe evente të shumta që kanë shoqëruar e argëtuar pushuesit e vegjel.

Duke mos i dhënë përgjigje këtyre abuzimeve dhe as Institucioneve Financiare Ndërkombëtare si Banka Botërore që disa herë në studimet e tyre të posaçme kanë vënë në dukje disa herë mungesën e efiçencës së investimeve, si dhe 6.286 shkeljeve që ka konstatuar Auditi në Ministrinë e Financave me vlerën 58 milionë euro, Edi Rama tashmë duke abuzuar edhe me fëmijë, thjeshtë përshëndetë qytetarët:

Ju uroj një ditë të mbarë!

Ja postimi i plotë:

MIRËMËNGJES

dhe me këto 60 sekonda nga rrugëtimi i Qendrës Kulturore për Fëmijë përgjatë tërë sezonit turistik nga Jugu në Veri me aktivitete dhe evente të shumta që kanë shoqëruar e argëtuar pushuesit e vegjel, ju uroj një ditë të mbarë