Në Lezhë, Basha: Këtë entuziazëm, le ta kthejmë në votë më 25 Prill!

Kryetarin e Partisë Demokratike, Lulzim Basha, entuziazmi qytetarë e shoqëroi nga Tirana deri në Lezhë, ku lezhjanët kanë filluar numërimin deri në ditën e shporrjes së Edi Ramës. Këtë entuziazëm dhe shpresë që e prek kudo, tha Basha, le ta kthejmë në votë më 25 prill, ditë kur lezhjanët me votë do ta largojnë Edi Ramën dhe do të hapin një kapitull të ri ndryshe për Lezhën.

Shumë qytetarë të Lezhës e kanë pritur Bashën në rrugë ku ai e bëri të qartë se i pari që duhet të largohet është ai që për 8 vite nuk ju ka ndihmuar:

”Janë paratë tuaja, i kanë çuar tek një grusht njerëzish. Do të bëhet më e mira, do ju ndihmojmë. Të paktën gjatë pandemisë do ju ndihmojmë me shpenzimet. E para që duhet të largojmë është ai që për 8 vite nuk ju ka ndihmuar. Kur pushteti është në duart e e një njeriu, do të punojmë bashkë. Do iu çlirojmë nga taksat e larta. Lezha ka pasuri të jashtëzakonshme. Ka prosperitet të jashtëzakonshëm, prosperitet. Një nga zonat më të bukura të ballkanit. Kemi një plan për biznesin e vogël, për turizmin. Duhet vullnet, duhet vetëm një qeveri që mendon për njerëzit, jo për veten. Jemi të gjithë bashkë. Ju ftoj të bëheni bashkë me ndryshimin në 25 prill, që Lezha të fitojë, fermerët të fitojnë,” tha Lulzim Basha.

Duke u bërë thirrje lezhjanëve për ndryshim më 25 Prill, Lulzim Basha u bëri thirrje bizneseve të mos dorëzohen, pasi kanë mbetur edhe 40 ditë kur do të fitojë Lezha e Shqipëria.

“Po çfarë me thënë, nuk e di! Me ngrënë bukë, për të jetuar! Edhe siguracionet na i kanë lënë… Vjen tremujorëshi, 500 mijë lekë siguracione është gjë…!”

“Një gjë faktike është; fshatarët marrin më pak. Është pakësuar numri i krerëve për arsye të emigracionit, për arsye të sëmundjeve,” u shpreh një pronar i një farmacie bujqësore.

“Më keq se asnjëherë tjetër! Këto 2-3 vitet e fundit njëherë, është bërë më keq se asnjëherë tjetër! Punë s’ka, njerëzit largohen. Edhe për ne që jemi me profesion, me universitet nuk gjejmë dot një punë të përshtatshme. Edhe biznesi privat nuk na jep ato detyrat që kemi, edhe ato rregullat që kemi të përfshira në kontratën e punës, vetëm na shfrytëzojnë! Nuk ka kontrolle fare! Unë jam farmaciste me profesion, fundjavave ndihmoj prindërit e mi që të kemi më tepër mundësi për të jetuar më mirë, por s’di çfarë të them. Uroj të bëhet më e mira për vendin tonë që të mos largohemi. Më është ofruar mundësia për të ikur në Gjermani, për t’u punësuar atje, por ideja që do vij t’i shoh prindërit 1 herë në 5 vitet, ajo më frenon më tepër,” tha një farmaciste.

Duke bërë thirrje lezhjanëve për ndryshim më 25 prill, Lulzim Basha premtoi se qeveria e ardhshme do ta ndryshojë situatën, dhe të parët që do ta ndjejnë janë qytetarët dhe bizneset.

”25 prilli është dita e ndryshimit. Një ndryshim krejtësisht ekonomik që ta ndjeni edhe ju si sipërmarrje, por në radhë të parë ta ndiejnë familjet shqiptare. Le të bëhemi të gjithë bashkë më 25 prill për ndryshimin që të fitojë Shqipëria, të fitojnë familjet shqiptare, të fitojë Lezha, të fitojë edhe sipërmarrja. Është dita kur të gjithë lezhjanët me votë do ta largojnë Edi Ramën dhe do të hapin një kapitull të ri ndryshe për Lezhën ku shqiptarët do të bashkohen dhe do të bëjnë të mundur. Asgjë nuk do të ndryshojë pa larguar Edi Ramën dhe këtë e di i madh dhe i vogël. Ndaj gjithë këtë entuziazëm dhe shpresë që e prek kudo, le ta kthejmë në votë më 25 prill. Mos harroni, edhe në dyert e socialistëve të zhgënjyer, vëllezërit edhe motrave tona që të bëjmë të mundur votën më të madhe, referendumin më të madh popullor për ndryshim kundër së keqes me 25 prill. Lezha fiton! Shqipëria fiton! Ju falënderoj nga zemra për këtë mikpritje të jashtëzakonshme deri në fitoren e Lezhës dhe të gjithë Shqipërisë me 25 prill,” tha Kryetari i Partisë Demokratike, Lulzim Basha, në Lezhë duke përfunduar:

Një ndryshim krejtësisht ekonomik që ta ndjeni edhe ju si sipërmarrje, por në radhë të parë ta ndiejnë familjet shqiptare. Le të bëhemi të gjithë bashkë më 25 prill për ndryshimin që të fitojë Shqipëria, të fitojnë familjet shqiptare, të fitojë Lezha, të fitojë edhe sipërmarrja.”