Në luftën Anti-Trump, demokratët gënjejnë edhe për kandidaten për Zv/President

Lajmi se kandidati demokrat për President të SHBA, Joe Biden, kishte zgjedhur për Zv/Presidente, Kamala Devi Harris, përshkoi gjithë botën pasi u shit si ngjarje historike me afroamerikanen e parë kandidate për këtë post.

Por kjo nuk është e vërtetë! 

Zonja e parë afroamerikane në historinë e SHBA e cila u propozua për Zv/Presidente është Charlotta Bass, dhe atë para gjysmë shekulli. Ajo në vitin 1952 ishte kandidate për Zv/Presidente në garën ku për President garonte Vincent Hallinan nga Partia Progresive.

“Ky është një moment historik për jetën politike në Amerikë. Historik për mua, njerëzit e mi, për të gjitha gratë. Për herë të parë në historinë e kombit, një parti politike e ka zgjedhur një grua me ngjyrë për postin e dytë më të lartë në vend,” tha në atë kohë Charlotta Bass gjatë fjalës së saj në Konventën e mbajtur në Chicago.

Bass dhe Hallinan në zgjedhjet e vitit 1952 arritën të marrin 140 mijë vota ndërsa President i SHBA u zgjodh, Dwight D. Eisenhower.

Charlotta Bass ishte politikane dhe gazetare, dhe aforamerikania e parë pronare e një gazete amerikane. Fjala është për “California eagle”.

Karrierën e saj politike ajo e filloi në Partinë Republikane, si shumë konservatore, por më vonë kaloi në Partinë Demokratike, të cilën gjithashtu e braktisi për shkak të dështimit në angazhimin për të drejtat e afroamerikanëve dhe të drejtat e grave.

Pas kësaj kalon në Partinë Progresive.