Në Parlamentin e Kosovës ka serbë me LDK, AAK, Nisma, por ka edhe njerëz normal!
Deri sa në Parlamentin e Kosovës deputetët që ishin në opozitë ose nën urdhërat e Hashim Thaçit si LDK, dhe sot janë në qeveri ndryshuan mendje dhe janë të gatshëm të votojnë marrëveshjet ndërkombëtare por nuk u vlen përderisa ata që dolën në opozitë tani nuk i votojnë, në këtë parlament ka dhe njerëz normal. Kjo është Kryetarja e Parlamentit, Vjosa Osmani, e cila përveç votës së saj u ka bërë sot thirrje deputetëve të Parlamentit të Kosovës të votojnë marrëveshjet ndërkombëtare sepse ato janë në interes të vendit. Madje, ajo i bëri të qartë edhe partisë që e largoi nga radhët e saj dhe sot kërkon votën për marrëveshjet me partit të cilat refuzuan ti votojnë, se ka tentuar për dy muaj që të arrihet përkrahja e grupeve parlamentare për këto marrëveshje ndërkombëtare edhe pse qeveria ishte shkarkuar por ajo u kundështua nga partitë që po kërkonin pushtetin.
Dhe jo vetëm kaq! Ajo sqaroi deputetët që sot janë ose jo në pushtet edhe për një detaj që ata e shpërfillin të verbëruar nga politika:
“Nëse tejkalojmë afatin prej dy prej marrëveshjeve që sot janë me Bankën Botërore për të cilat kemi kohë vetëm deri në fund të qershorit, cili do të jetë kredibiliteti ynë si Kosovë që nesër të negociojmë marrëveshje tjera të mira me Bankën Botërore me të cilën kam qenë personalisht në kontakt, në mënyrë që të marrim edhe ndihmën emergjente për Covid-19,” tha Vjosa Osmani duke shtuar se qeveria nuk duhet të punojë me inat në raport me ligjet e hartuara në Parlamentin e Kosovës duke sjellë dhe një fakt të paparë dhe padëgjuar në botën civilizuese:
“Është e turpshme që ky Kuvend ka iniciuar ligjin antiCovid-19 dhe qeveria për shkak të inateve politike nuk ka lejuar që të vijë ky ligj të votohet në Kuvend. Ajo ka bllokuar pjesëmarrësit deri në qershor e tani krijojnë grupe punuese për të hartuar ligj antiCovid-19. Nuk keni nevojë të hartoni, e kemi hartuar vetë ne Kuvendi i Republikës së Kosovës.”
Për të konfirmuar llojin harbut të njerëzve që udhëheqin LDK-në sot dhe e shkarkuan Vjosa Osmanin, u kujdes Zv/Kryeministri Driton Selmanaj i cili kërkoi nga legjislativi të dërgojë nismat ligjore për mendim në ekzekutivi.
“Unë sinqerisht nuk po iu besoj veshëve çka dëgjova. Domethënë, Zv/kryeministri i Qeverisë së Kosovës thotë silleni nëse dëshironi ju të inicioni për opinion në qeveri. Zotëri Zv/kryeministër ka kohë që i kemi sjellë për opinion në qeveri. Ka kohë që ky Kuvend i ka iniciuar tri nisma legjislative. Prej 25 marsit deri më 3 qershor i keni bllokuar ju që po thonë se është i njëjti popull. Po pra, i njëjti popull është, por unë ju kërkova dhe besoj që deputetët pajohen t’i sillni nismat që i ka iniciuar ky Kuvend.”
E, Driton Selmanaj duke e konfirmuar si Avdullah Hoti se është Zv/kryeministër i i Hashim Thaçit dhe jo i Kosovës, tha se nismat janë dërguar kur ka qenë Qeveria Kurti.
“Kur janë dërguar më 25 mars i janë dërguar një qeverie tjetër. Kjo është qeveri e re. Kishte akuza se kanë mbetur në sirtarë. Unë po ju them që në afatin kushtetues do të keni përgjigjen. Nuk mund të marrë për qeveri tjetër.”
Zot mos i fal, këta e dinë se çfarë po bëjnë! Ashtu siç e dinte Kryetari i Driton Selmanajt, Isa Mustafa, në vitin 1989, se çfarë po bënte:
Po i shërbejnë Serbisë!
Ndryshe, sot Kryeministri i Hashim Thaçit, Avdullah Hoti nuk arriti të bindë shumicën me të cilin shkarkoi Kryeministrin e Kosovës, Albin Kurti, ndonëse mburret ai dhe kryetari i tij Isa Mustafa se kishin arritur të mbledhin 2/3 e votave.
Marrëveshjet të cilat Avdullah Hoti nuk arriti ti ratifikoj në provën e tij të parë janë: Marrëveshja për financim ndërmjet Republikës së Kosovës dhe Asociacionit Ndërkombëtar për Zhvillim për Projektin e Fuqizimit të Sektorit Financiar, Marrëveshja për Hua ndërmjet me Bankën Evropiane për Rindërtim dhe Zhvillim për Projektin e Zhvillimit të Ujërave të Zeza në Gjilan, dhe Marrëveshja ndërmjet Bashkimit Evropian dhe Republikës së Kosovësmbi pjesëmarrjen e Kosovës në Programin e Bashkimit “Fiskalis 2020”.
