Në PE, Várhelyi: Arsyet e vonesës së liberalizimit të vizave për Kosovën

Hapja e negociatave me Shqipërinë dhe Maqedoninë e Veriut pritet brenda disa ditëve ndërsa liberalizimi i vizave për Kosovën nuk u miratua pasi vendet anëtare presin rezultate të qarta në luftën kundër krimit të organizuar dhe trafiqeve, tha Komisioneri për Zgjerim dhe Fqinjësi të Mirë i BE, Olivér Várhelyi, duke folur para Parlamentit Evropian, PE, lidhur me zhvillimet e Samitit të Bashkimit Europian dhe atë me vendet e Ballkanit Perëndimor që u zhvilluan javën e kaluar ndërsa foli dhe për dhënien e statusit të vendit kandidat për anëtarësim në BE të Ukrainës, Moldavisë dhe me disa përmbushje të kritereve,  edhe Gjeorgjisë, në seancën parlamentare ku temë ishte “Politika e Zgjerimit e BE-së pas agresionit të Rusisë mbi Ukrainë”.

“Javën e kaluara, Këshilli Evropian mbështeti opinionet e Komisionit Evropian për aplikimet për status të vendeve kandidat për Ukrainën, Moldavinë dhe Gjeorgjinë,” tha Várhelyi para europarlamentarëve ndërsa sqaroi se të tri vendeve u është dhënë perspektiva për integrime duke iu bërë të qartë se reforma të mëdha duhet bërë në reformat e brendshme.

“Gjeorgjisë do t’i jepet statusi i vendit kandidat pasi t’i ketë kryer reformat e domosdoshme,” tha Várhelyi, sipas të cili, këto vendime për disa ishin të pa paramenduara disa muaj më parë.

“Por momentet historike sjellin vendime historike!”

Duke folur për vendet e Ballkanit perëndimor, ai fillimisht u ndal tek çështja e Shqipërisë dhe Maqedonisë së  Veriut, të cilat nuk arritën të marrin datën e fillimit të negociatave për anëtarësim në BE.

“Jemi të përkushtuar që ta sjellim tërë rajonin në BE. Është më shumë se kurrë e rëndësishme që jo vetëm të lëvizim shpejt por të vendim tërë përkushtimin dhe dëshirën e të gjitha institucioneve,” Komisienari për Zgjerim dhe Fqinjësi të mirë duke siguruar se mbështetja do të vazhdohet  për vendet e Ballkanit Perëndimor duke përdorur mekanizmat e BE-së si në ato të sigurisë, ashtu edhe në ato ekonomike, si rrjeti i gazit.

Shumë përpjekje janë bërë për të tejkaluar mosmarrëveshjet mes Bullgarisë dhe Maqedonisë së veriut, Várhelyi.

“Jemi gati të mbërrijmë,” tha Várhelyi duke shpresuar shumë që konferenca ndër qeveritare me Maqedoninë e veriut dhe Shqipërinë, do të mbahet brenda disa ditëve.

“Vendet kanë përmbushur të gjitha që u janë kërkuar. Ato janë gati dhe gati duhet të jemi edhe ne,” tha Olivér Várhelyi para Parlamentit Evropian duke rikujtuar se ka një zgjidhje të problemit mes Maqedonisë së Veriut dhe Bullgarisë, që mbështetet edhe nga Parlamenti.

“Evropa duhet të lëvizë përpara.”

Javën e  kaluar, tha ai, Këshilli Evropian ka dhënë sinjal pozitiv edhe për Bosnje Hercegovinën që të marrë statusin e vendit kandidat për anëtarësim në BE. Megjithatë, për ta fituar këtë, Bosnje Hercegovina duhet të bëjë reforma thelbësore e ato janë 14 reformat kyçe të përcaktuara nga Komisioni Evropian.

Duke vazhduar me Kosovën, Olivér Várhely tha se ajo vazhdon edhe më tej të presë liberalizimin e vizave por duhet vazhduar duke ecur përpara.

“Duhet të jemi të qartë se janë disa fusha si lufta kundër krimit të organizuar e trafiqeve, në të cilat vendet anëtare presin rezultate të qarta!”

Komisioni Evropian është gati ta ndihmojë Kosovën në mënyrë të ngjashme me Shqipërinë për të vendosur një hartë, bashkë me vendet anëtare për të adresuar shqetësimet specifike, tha Várhelyi.

“Vendet anëtare të BE-së, policia, dhe mekanizmat  e tjerë,duhet të përfshihen në terren për ta ndihmuar Kosovën. Nga ana jonë jemi të gatshëm të japim të gjithë mbështetjen financiare e politike në këtë proces.”

Sa i përket procesit të dialogut mes Prishtinës e Beogradit, Komisioni ka nevojë të shohë përkushtim të qartë, tha ai ndërsa për Serbinë shtoi se ky vend është në pozitë shumë të vështirë gjeostrategjike.

Duke folur për vendet e Ballkanit perëndimor, Várhelyi tha se vendosja e sanksioneve ndaj Rusisë është vetëm simptoma e problemit.

“Për këtë ne jemi gati ta mbështesim plotësisht Serbinë që ajo ta vendosë vetën në linjë të njëjtë me politikat e jashtme të BE-së ndaj luftës së Rusisë,” tha Várhelyi para europarlamentarëve duke vazhduar ti qajë hallin Serbisë edhe me këtë rast.

“Por kjo do të thotë se ne duhet të kemi përkushtim të qartë gjithashtu nga Serbia!”

Sa për Malin e Zi, ai tha se ky vend ka kaluar nëpër një transmision demokratik, por është në rrugë të mbarë por presin nga Qeveria e re të ndërtojë besimin e qytetarëve tek institucionet dhe të kryejë reformat e kërkuara nga BE-ja.

Foli edhe për Turqinë ndonëse kjo e fundit nga ka treguar kurrfarë interesi rreth bisedimeve për anëtarësim në BE që nga viti 2018 kur Várhelyi dhe shefat e tij i konsideruojnë të bllokuara. Gjithsesi, Komisioneri për Zgjerim dhe Fqinjësi të Mirë i BE, Olivér Várhelyi, tha me këtë rast para PE se Qeveria turke ka përmendur disa herë përkushtimin e saj për reforma, megjithatë pikat bazike të reformave kanë mbetur të pa adresuara