Në prag të protestës së PD, Bordi i Transparencës ul çmimet e karburantit

Bordi i Transparencës sërish në prag të protestës kombëtare të Partisë Demokratike bënë ulje të nxituar të çmimit të karburantit ndërkohë nuk ka reaguar në lëvizjet e çmimeve në tregjet për dhjetëra herë nga themelimi.

Kështu, me vendimin e sotëm të Bordit nafta do të tregtohet me 5 lekë më pak përkatësisht 227 lekë për litër ndërsa benzina me 2 lekë më pak përkatësisht do të tregtohet për 210 lekë.

Ndërkohë çmimi i gazit mbetet i pandryshuar, 74 lekë për litër.

Ndryshe, çmimet e caktuara nga Bordi hynë në fuqi sot datë 11 Nëntor, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 227 lekë/litri, ndërsa i shitjes me shumicë jo më shumë se 215 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.

Çmimi i shitjes me pakicë i nënproduktit gaz, të jetë 74 lekë/litri me pakicë dhe i shitjes me shumicë 62 lekë/litër për automjetet.

Çmimi i gazoil për peshkimin është vendosur  133 lek/litër.

Çmimet e caktuara nga Bordi do të hynë në fuqi sot datë 11  Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.