Në pritje të sulmit rus mbi Ukrainën, SHBA: Rusia e ka listën se kë do të vras!
Ditët e fundit situata në mes të Rusisë dhe Ukrainës është përshkallëzuar dhe paralelisht arrijnë deklarata dramatike të fuqive perëndimore, se pushtimi i Ukrainës nga Rusia është vetëm çështje momenti dhe se po pritet një sulm i plotë.
Mediat amerikane, si CBS, CNN dhe Washington Post, kanë publikuar të dhëna sekrete që SHBA disponon dhe tregojnë se komandantëve rus u është dhënë urdhër për të sulmuar Ukrainën. I referohen dy zyrtarëve amerikanë dhe njëri është i i njohur për shërbimet sekrete amerikane.
Burime të CNN kanë paralajmëruar se urdhrat mund të tërhiqen dhe mund të jenë dezinformata që janë përhapur për të krirjuar amulli në mes të SHBA dhe aleatëve.
“Forcat ruse kanë hartuar lista të ukrainasve që do të vriten ose do të dërgohen në kampe në rast të pushtimit,” thuhet në letrën që SHBA i ka dërguar shefes së OKB për të drejtat e njeriut, Michelle Bachelet, raporton e përditshmja amerikane The Washington Post.
Në letrën, pa datë, theksohet se informacionet e fundit sugjerojnë se po planifikohen “vrasje të qëllimshme, rrëmbime, arrestime të paligjshme dhe tortura”.
Në mesazhin e Ambasadores së Shteteve të Bashkuara në OKB, Shebe Crocker, paralajmërohet se pushtimi rus i Ukrainës do të shkaktonte “shkelje katastrofike të të drejtave të njeriut”. Crocker thekson në letër se i ka shkruar Komisionerit të lartë të OKB për të drejtat e njeriut.
Në letër thuhet se në shënjestër do të jenë disidentët rus dhe bjellorus në ekzil në Ukrainë, gazetarë dhe aktivist të antikorrupsionit si dhe grupet vulnerabël, siç janë, pakicat fetare dhe etnike dhe personat LGBTQI+.
Letra u bë publike pasi Joe Biden dhe Vladimir Putin ranë dakord në parim për Samitin, ku në qendër do të jetë përkshkallëzimi i krizës në Ukrainë.
Ndërkohë janë publikuar dhe detaje të reja për sanksionet amerikane ku Agjencia e lajmeve Reuters raporton se SHBA mendon të ndaloj institucionet financiare amerikane, transaksionet për bankat e mëdha ruse në rast të pushtimit.
