Në pritje të vendimit të gjykatës, Taulant Balla: Berisha ka mbaruar hesapet me këtë vend!
Në pritje të vendimit të Gjykatës për 23 akuzuarit mbështetës të Sali Berishës dhe 11 të akuzuarit mbështetës të Lulzim Bashës për ngjarjet e 8 Janarit, Kryetari i Grupit Parlamentar të PS, Taluant Balla, pas Konferencës së Kryetarëve bëri publik “vendimin” duke theksuar se Berisha ka mbaruar hesapet me këtë vend.
Publikimin e pagave e ciësoi një akt të rëndë kriminal edhe pse për këtë akt fajtorët janë liruar nga Gjykata ndërsa përshëndeti veprimin e shpejtë të Prokurorisë dhe Policisë.
“Ajo që duhet përshëndetur është shpejtësia që Policia e Shtetit dhe Prokuroria kanë lëvizur për të identifikuar këtë aktivitet të rëndë kriminal. Ky ka qenë akt i rëndë kriminal që duhet të marrë ndëshkim. Para 60 sekondave, po thoja që PS nuk komenton vendimet e gjykatave. Natyrshëm që një gjë është e sigurt. Në rast se para 10 viteve prisheshin severat e kryeministrisë përmes së cilëve mund të zbuloheshin autorët e vrasësit të 21 janarit. Pas ca ditësh bëhen 11 vite nga 21 janari, ku Berisha ishte kryeministër dhe urdhëronte të qëllohej mbi popullin opozitar për një protestë për nivelin e demokracisë në vend. Në prokurorinë e Tiranës, për Aleks Nikën na thuhet që hetimet vijojnë, por s’ka zhvillim. Prokuroria me shpejtësinë e çliruar nga hetimi, të çojë në fund hetimin për shumë çështjeve. Unë kam çuar në prokurori shumë kallëzime. Ajo që është e rëndësishme është që Reforma në Drejtësi vendosi që në Kuvend të mos zgjidhen më gjyqtarë, ato zgjidhen në sisteme të pavarura. Ajo që kishim në sistemin e vjetër që Presidenti emërtonte gjyqtarë dhe prokurorë, ka përfunduar,” tha Taulant Balla ndërsa gazetarët e bezdisur me krahasimet që Kryetari i Grupit Parlamentar të PS bënë me qeverisjen e Berishës nga viti 2013 kur ata janë në mandatin e tyre të tretë ai dha dhe verdiktin e gjykatës:
“E bardha me të zezën nuk krahasohet kot. Sali Berisha ka mbyllur hesapet me këtë vend dhe kush e kishte harruar t’i referohet të shtunës së kaluar. Ne nuk krahasohemi kurrë. PS ka një avantazh dhe një problem që ka detyrën që të krahasohet vetëm me veten. Kur fola për buxhetin e shtetit, thashë që kemi gjetur një buxhet me 3.ca mld dollarë, e kemi çuar në 6.ca mld dollarë.”
Në fund, pasi dha “vendimin” për 8 Janarin pa folur gjykata, Taulant Balla për vendimin mbi shkarkimin e Presidentit të Republikës që pritet të jepet me 18 Janar tha se PS nuk e diskuton vendimin e Gjykatës Kushtetuese.
“Ajo që do të jetë e qartë dhe ka qenë e qartë që prej ditës së parë, që PS nuk ekziston një rast të ketë vendos në diskutim vendimet e Gjykatës Kushtetuese. Partia Socialiste e Shqipërisë do të respektojë vendimin e Gjykatës Kushtetuese.
