Në Rusi çdo vit zhduken 100.000 njerëz

Në Rusi çdo vit zhduken prej 70.000 deri në 100.000 persona, e 25 për qind prej tyre nuk gjenden kurrë, tha sot Drejtorja e Përgjithshme e Agjencisë ruse për iniciativa strategjike, Svetllana Çupsheva.

Duke hapur Forumin e ekipeve vullnetare të shpëtimit, Çupsheva theksoi se nga kjo shifër, gjysma e personave të zhdukur janë fëmijë.

“Dëshirojmë që të gjithë ta kuptojnë rëndësinë e ekipeve vullnetare për kërkim dhe shpëtim,” tha Çupsheva.

Me këtë rast, Guvernatori i rajonit të Moskës, Andrej Vorobjov theksoi domosdoshmërinë e bashkëpunimit me kompanitë celulare për ndërmarrjen e hapave sa më efikas në gjetjen e personave të zhdukur, raporton Agjencia e lajmeve Tass.