Në SPAK, Berisha: Gjeta McGonigalin, i cili po dëshmonte kundër Edi Ramës!

Në SPAK gjeta McGonigalin, i cili po dëshmonte kundër Edi Ramës dhe po e priste në ishullin-burg Riker, tha Kryetari i Partisë Demokratike, Sali Berisha, sapo doli nga Prokuroria Posaçme ku dhe lexoi mesazhin që la me të kryer obligimin ligjor të detyrimit të paraqitjes në SPAK!

“Së pari njëherë të gjithë atyre që na ndjekin, u uroj gëzuar Vitin e Ri 2026.
Një vit me më të mirat për ata dhe më të dashurit e tyre.

Këtu në Skap lashë këtë shënim: Altin Troplinit, Pajës së Skapit (i mbeti atij, nuk ia vura unë, që kur e fali atë Elvis Doçin, ai mbeti Paja i Skapit) armikut të pluralizmit politik dhe avokatit të McGonigalit, me garanci se krimet e tij nuk do mbeten pa ndëshkimin e merituar ligjor,” tha Sali Berisha sapo doli nga SPAK duke vazhduar me prononcimin e radhës:

“Natyrisht, këtu kryefjala, dhe unë e kuptoj dhe e lexoj në sytë tuaj, se e keni Ramaduron tani, atë po prisni ju tani se ç’do të them unë për Ramaduron.
Por unë do të them ato që ka Ramaduro vetë.
Më lejoni pak t’u informoj se çfarë ka thënë Ramaduro për veten e tij.
Në SPAK gjeta McGonigalin, i cili po dëshmonte kundër Edi Ramës dhe po e priste Edi Ramën në ishullin Rikers, jo në Metropolitan.
Ishulli Rikers është një ishull burg si muze, me të gjithë banditët e mëdhenj të historisë së SHBA.
I kanë aty edhe gurët e varrit se kanë hyrë dhe nuk kanë dalë më nga ishulli.”

Në fund, Kryetari i Partisë Demokratike foli për një zhvillim tjetër shumë të rëndësishëm nga organizata e partisë së Gjykatës Kushtetuese.

“Me datën 17 ju më keni pyetur a e ke dërguar këtë masë në Gjykatë Kushtetuese. Unë e kam dërguar këtë masë në Gjykatë Kushtetuese para një viti, nuk mbahet mend kur.

Më datën 17 dhjetor ata shpallën publikisht se do jetë seanca plenare, tani nuk i bëjnë me publik, nuk i bëjnë as me avoketërit, mblidhen në dhomë këshillimi dhe vendosin atë që mendojnë. Dhe në dhomën e këshillimit u mblodhën në seancë plenare, nuk morën dot vendimin që donin dhe njëlloj si një organizatë partie, nuk shpallën vendimin.

Nuk kanë dhënë shkaqet. Ishte seancë plenare. Nuk kanë kërkuar asnjë dokument mbi bazën e mashtrimit dhe të urdhrit politik të turpshëm. As ata nuk e dhanë njoftimin. Njoftimi i mor sepse avokati im bëri shkresë dhe kërkoi njoftim se çfarë vendimi morët.

Po meqenëse votat nuk u dolën për vendimin që donin, atëherë thanë se nuk kishte seancë, dhe do mblidhen në seancë plenare. Këta ishin në seancë plenare,” tha Kryetari i Partisë Demokratike, Sali Berisha duke përfunduar:

“Këta tregojnë se janë një grup mjeranësh, organizatë e mirëfilltë e PS-së, gjykatë e turpit që vepron në këtë mënyrë.

Gjykata ishte e detyruar të bëjë njoftimin publik, u mblodhëm, vendosëm ose nuk vendosëm.

Kjo është gjykata dhe jo gjykata që fshihet pas vetes së vet në mënyrën më të turpshme se ka gjykatës aty që meritojnë jo vendin ku e kanë, por e meritojnë të jenë aty ku i çon ligji.”