Në spitalin “Shefqet Ndroqi”, pneumologu humb betejën me koronavirusin

Koronavirusi i merr jetën një tjetër mjeku. Mësohet se mjeku pneumolog Anibal Byberi ka humbur betejën me koronavirusin ndërsa ndodhej i shtruar në Spitalin Covid2, “Shefqet Ndroqi”.

Byberi, 53 vjeç, ishte shtruar tek Ish-Sanatoriumi në gjendje të rëndë shëndetësore ku ishte vendosur në intubim. Fatkeqësisht mjeku nuk arriti të fitonte betejën me COVID-19 dhe ka ndërruar jetë mbrëmjen e së dieles.

Lajmin e kanë konfirmuar dhe të afërm të tij në rrjetet sociale.

Ndryshe, Anibal Byberi ka punuar mjek në Tropojë dhe ka mbajtur dhe postin e drejtorit në Spitalin e Tropojës.