Në stadiumin e ri fillon epoka e re, Partizani-Tirana 1:2

Tirana ka mposhtur Partizanin me rezultatin 2-1 në derbin e 150-të, duke thyer kështu mallkimin 5-vjeçar dhe duke filluar me një epokë të re në stadiumin e ri “Air Albania”.

Golat e Bathës dhe Kobina i dhuruan fitoren skuadrës së Emanuel Egbo në sfidën e dhuruar në “Air Albania” ndërsa golin e vetëm për Partizanin e realizoi Jurgen Bardhi. 

FT| PARTIZANI – TIRANA 1-2

Bardhi 10′ / Batha 8′ , Kobina 90′ 

Përveç fitores ndaj Partizanit, Tirana me me mijëra tifozët e saj edhe në këtë derbi të kryeqytetit kërkuan largimin e Kryeministrit Edi Rama.

Thirrjet “Rama ik”, pasi u bënë refren në inaugurimin e stadiumit të ri kombëtar “Air Albania Stadium” në ndeshjen Shqipëri-Francë, OraNews raporton, se nuk kanë munguar as në derbin e kryeqytetit mbrëmjen e sotme.

Ndryshe, kjo ishte fitorja e parë e Tiranës kundër Partizanit që prej shkurtit të vitit 2014.

Pas 15 javësh Partizani ndodhet në vendin e parë me 25 pikë ndërsa Tirana ndodhet në kuotën e 22 pikëve dhe është në vendin  e pestë.

FORMACIONET ZYRTARE:

PARTIZANI: Hoxha, Bitri, Boldor, Belica, Idrizi, Trashi, Romero, Hyseni, Melo, Bardhi, Solomon. Trajner: Franko Lerda.

TIRANA: Lika, Vangjeli, Muça, Hoxhallari, Doka, Celhaka, Batha, Halili, Kobina, Torasa, Ngo. Trajner: Emuanuel Egbo.

Gjyqtar: Enea Jorgji.