Në strehën e fundit/ Vuçiç nuk del dot në dritare, por flet për Kosovën!
Aleksandar Vuçiç nuk kishte guxim të dal dje as në dritaren e Presidencës, u deshën forca të mëdha në mënyrë që të krijohen kushtet për të shkuar në shtëpinë e tij sepse para Presidencës së Serbisë ishin mbledhur mijëra qytetarë duke protestuar kundër regjimit të tij kriminal.
Por sot, Aleksandar Vuçiç e kishte përgatitur një strategji tashmë të parë ndër maskarenj që udhëheqin shtete të ndryshme, kështu ndodhi edhe me Vuçiçin i cili u fut në strehën e patriotizmit. Në Konferencën Ndërkombëtare “20 vjet pas bombardimit të Jugosllavisë – leksionet për sigurinë evropiane në shekullin XXI” duke e pranuar se deri para pes viteve kanë heshtur por sot kanë filluar të flasin. Dhe jo vetëm kaq! Sot ai edhe akuzoi, madje rëndë, NATO-n, atë që ishte prezent me përfaqësuesit e saj në Konferencë.
Nuk foli për krimet serbe dhe arsyen pse u bombardua Serbia por nuk kurseu asnjë fjalë duke folur kundër Aleancës Veritalantike. Madje, sipas tij, në vitin 1999 Perëndimit i duhej një konflikt me Jugosllavinë që të tregojnë forcën e hemisferës perëndimore
Bombardimi, tha Vuçiç, dëshmoi se King kishte të drejtë, se dhuna mund të arrij një fitore për momentin, por jo edhe paqen e përhershme
“Kjo ndodhi në Kosovë, ndryshoi pushteti në territor, por nuk erdhi paqja. Ndryshoi sovraniteti dhe atje pushtetin e mbanë NATO i cili u mundëson shqiptarëve që të qeverisin me Kosovën, por nuk u krijua bashkëjetesa,” vazhdoi Vuçiç me patriotizmin e tij shterp duke e quajtur Kosovën si “geto ku serbët e shqiptarët vetëm mund të urrejnë njëri-tjetrin”, madje edhe me mbikqyrje.
“Kjo nuk është zgjidhje, por shtyrje e zgjidhjes e cila nuk garanton siguri. Kam frikë se kështu do të mbetet deri sa të bëhemi të ndërgjegjshëm dhe të përgjegjshëm që vetë ti zgjidhim problemet. Neve nuk na duhet ndërgjegje e re, as tutorët. Ne duhet të kuptojmë se fitorja nuk qëndron tek humbja e tjetrit por duhet të heqim dorë nga kërkesat maksimale. Ne nuk jemi në këtë situatë, kërkohet nga Serbia që të pranoj rezultatin e agresionit, por këtë ne nuk do ta bëjmë,” tha Presidenti i Serbisë i gatshëm për negociata por jo edhe për zgjidhje, ashtu siç kërkonte parardhësi i tij, krimineli Sllobodan Millosheviç, me meritën e të cilit u bombardua dhe Serbia. Dhe jo vetëm kaq!
Madje Aleksandar Vuçiç, në situatën kur nuk del dot përballë popullit të vetë për të zgjidhur krizën politike në vend, para ndërkombëtarëve dhe NATO-s vazhdoi me mesazhe patriotike. Mendon ta shkel dinjitetin kombëtar të shqiptarëve por e bënë të qartë se nuk ekzisiton ai presion i cili do të detyronte Beogradin që të shkel dinjitetin kombëtar, dhe këtë tha po e thotë sepse e din mirë se sa është e vështirë për një shtet të vogël ta përballoj presionin.
“Nëse kemi përmbyshur Marrëveshjen e Brukselit, nëse nuk kemi vendosur taksa, nëse fuqitë perëndimore nuk mund ta bindin xhanin e tyre,” thotë duke gënjyer dhe ironizuar njëkohësisht Presidenti i Serbisë, shton se pret dialog dhe bisedime:
“Por dikush duhet ti sqaroj shqiptarët se pa bisedime me Serbinë nuk mund të arrijnë asgjë. Ata këtë nuk e shohin, e shohin shpëtimin në bisedimet me Washingtonin. Por shpresoj se kjo do të zbatohet dhe se do të kemi mundësi të vazhdojmë bisedimet,“ tha Aleksandar Vuçiç ndonëse akuzoi gjatë gjithë kohës shton se Serbia dëshiron marrëdhënie të mira me NATO-n, duke përfunduar:
“Falemnderit që sot dëshironi të flisni në nivel shumë më profesional për atë që na pret. E rëndësisë së veçantë është të shohim se ku kemi gabuar, dhe të mos kemi turp ta dënojmë agresionin e NATO-s. Agresioni i NATO-s ishte një krim kundër një vendi të vogël dhe popull me dinjitet dhe i panënshtruar, dhe i sigurt në të ardhmen e vendit tonë,” tha Presidenti i Serbisë, Aleksandar Vuçiç, në Konferencën Ndërkombëtare “20 vjet pas bombardimit të Jugosllavisë – leksionet për sigurinë evropiane në shekullin XXI”, ndërkohë dje para Presidencës dhe sot nëpër rrugët e Serbisë qytetarët e shtetit që ai drejton protestojnë pikërisht për krimet që kanë bërë në emër të këtij shteti kriminal dhe sot janë si kurrë më parë, pa dinjitet dhe të nënshtruar jo nga agresorët, siç i quan ai, NATO dhe Perëndimin, por nga regjimi i Aleksandar Vuçiçit.
