Në vend të turistëve, krokodilë në plazhe

Në Meksikë pas dhjetëra viteve në plazhe kanë dalë krokodilët, pasi njerëzit u tërhoqën për shkak të pandemisë së koronavirusit, prej të cilit në këtë vend u infektuan 5.800 dhe humbën jetën 450 njerëz.

“Kur nuk ka më njerëz, ditë të mira po vijnë për krokodilët,” shkruajnë mediat meksikane dhe amerikane.

Destinacioni popullor për ekoturizëm, laguna në plazhin Ventanila, është shtëpia e krokodilëve ku kalojnë shumicën e kohës duke u fshehur nga vizitorët, që vinë nga të gjitha anët e Meksikos që vijnë për ti filmuar nga anijet turistike, thekson Mexico News Daily duke sjellë një foto nga realiteti i krijuar:

“Në mungesë të njerëzve, plazhet në Oaxaca i marrin krokodilët!”

Por tani që turistët janë tërhequr, krokodilët gjithnjë e më shumë janë në palzhet meksikane ndërsa kjo fotografi me pesë krokodil ka përshkuar botën.

Një kohë, krokodilët ishin specie e kërcënuar për shkak të gjahut dhe tregtisë së paligjshme.

Krokodilët që jetojnë në ujin me krip kanë jetëgjatësi deri në 70 vjet. Ata rriten gjatë gjithë jetës, dhe gjatësia e tyre mund të shkoj deri në 7 metra.

Krokodilët meksikanë janë më të vegjël se të tjerët, dhe gjatësia e tyre shkon mbi 4 metra.

Janë të ngjashëm me krokodilin amerikan ose kubanez vetëm se kanë ngjyrë më të errët.