Në vendkalimet kufitare, pesë orë pritje në Merdarë për të dalë nga Kosova

Mërgimtarët po presin deri në pesë orë për të dalë nga Kosova në vendkalimin kufitar në Merdare ndërsa Qafa e Morinës dhe Hani i Elezit vazhdojnë të kryesojnë si pika ku pritjet thuajse nuk ekzistojnë.

Sipas përditësimit të fundit të Qendrës Kombëtare për Menaxhim Emergjent nga ora 08:00 , pritjet për të dalë nga Kosova në vendkalimet kufitare shkojnë nga tre minuta deri në pesë orë, ndërkaq për të hyrë në Kosovë nuk ka kolona.

Kështu, për të dalë nga Kosova vendkalimet kufitare Qafa e Morinës dhe Hani i Elezit pritjet janë 3-5 minuta ndërsa në Merdarë 4.5-5 orë.

Në vendkalimin Jarinje për të dalë nga Kosova pritja shkon 5-10 minuta, Mutivodë nga 10-15 minuta ndërsa në Dheun e Bardhë pritja shkon deri në 1 orë.

Me përjashtim të vendkalimit Merdare ku kolonat shkojnë deri në 1.4 kilometra, në pikat tjera nuk raportohet për kolona të gjata.