Në Vloshin e shpopulluar/ Më 25 Prill, të rinjtë kthehen për ta rrëzuar Edi Ramën!
Në Vlosh, Dega PD Roskovec, në një nga fshatrat më të goditur nga shpopullimi në këto 8 vite, ku shumica janë të rinj, Drejtuesi Politik i Partisë Demokratike për Qarkun Fier, Enkelejd Alibeaj, konstaton se 25 Prilli është shpresa e vetme, kur dhe premtojnë se do të kthejnë bijtë e bijat në vendin e tyre, në Shqipërinë pa Kryeministër Edi Rama.
“Njerëz fisnikë e punëtorë të diskriminuar nga qeverisja 8 vjeçare dhe pushteti vendor! Dhjetëra ton vaj ulliri i prodhuar që nuk shitet e ata janë në mjerim të skajshëm. Taksa të larta qendrore e lokale, që iu kërkohen me dhunën e pushtetit dhe asnjë shërbim i dhënë, për një nga zonat më të bukura dhe peisazhet më magjepsëse të Qarkut Fier,” thekson Enkelejd Alibeja pasi gjatë takimit në Vlosh dëgjon nga thellësia e shpirtit e prej lëngatës 8 vjeçare këta banorë, se do të kthejnë në 25 prill bijtë e bijat në vendin e tyre, në Shqipëri!
Ndërkohë në Roskovec, pas takimit në Lidhjen Demokratike të Gruas, ndërsa falënderon gjithësecilën nga zonjat e zonjushat që kanë pasur më shumë vështirësi se pjesët e tjera të familjes shqiptare, Drejtuesi Politik i Partisë Demokratike për Qarkun Fier shprehë keqardhje se në këto 8 vjet persekutimi më i madh u erdhi nga pushteti vendor që fatkeqësisht drejtohet nga një grua:
“Respekt i pamatë, për këto zonja e zonjusha për angazhimin politik në këto 8 vjet persekutim. E ironia e fatit është se ndjesia më e madhe e ndrydhjes, mungesës së shërbimit, dhunimit sistematik iu vjen nga pushteti vendor qe fatkeqësisht drejtohet nga një grua!” shprehet përmes rrjetit social Facebook, Drejtuesi Politik i Partisë Demokratike për Qarkun Fier, Enkelejd Alibeaj, pas takimit me këto zonja e zonjusha që ndau vlerën njerëzore, që angazhimi i djeshëm e i sotëm do të jetë baza e përgjegjësisë së nesërme, dhe ky përbetim i tyre shkon përtej lotëve të hidhërimit dhe brengës që mbajnë ato dhe gjithë familjet shqiptare!
