Në Wall Street rritje për të tretën ditë me radhë
Në Wall Street sot çmimet e aksioneve janë rritë për të tretën ditë me radhë, duke kompensuar humbjet e fillimjavës, falë treguesve të mirë nga ekonomia amerikane madje shumë më të mirë se sa ishin parashikuar, duke u bazuar në rezultatet e biznesit të kompanive.
Kështu Dow Jones është rritur për 214 pikë ose 0,84 për qind, në 25.862 pikë, ndërsa S&P 500 është rritur 0,89 për qind, në 2876 pikë, e indeksi Nasdaq 0,97 për qind, në 7898 pikë.
Larg parashikimeve
Pas rënies së madhe të së hënës për shkak të tensioneve tregtare në mes të SHBA dhe Kinës, në tri ditët e fundit çmimet e aksioneve janë rritur duke kompensuar edhe këto humbje.
Kështu, indeksi S&P 500 tani është rreth 2 për qind nën nivelin rekord, të cilin e kishte arritur para dy javësh.
Investitorët janë inkurajuar dje për shkak të treguesve të mirë ekonomik. Ndërtimi i shtëpive të reja është rritur në muajin prill në SHBA më shumë se sa ishte parashikuar sepse ulja e interesave bankare e mbështetë këtë sektor.
Përveç kësaj, javën e kaluar është ulur dukshëm edhe numri i kërkesave për ndihmë të papunëve, gjë që tregon se situata në tregun e punës vazhdon të përmirësohet.
Duke ju falënderuar këtyre fakteve, investitorët nuk janë shqetësuar nga të dhënat e publikuara një ditë më parë, për rënien e papritur të prodhimeve industriale dhe xhiros në tregtinë me pakicë.
Mbështetje tregtisë i kanë ofruar dje edhe rezultatet periodike të biznesit të disa kompanive, ndër të tjera Walmartit dhe Cisco Systems.
Nga 457 kompani nga sistemi i indkesit S&P 500, që deri më tani kanë publikuar rezultatet periodike të biznesit, rreth 75 për qind prej tyre kanë tejkaluar parashikimet e analistëve sa i përket fitimeve të tyre.
Për këtë arsye edhe analistët e Reuters në anketën e tyre kanë përmirësuar vlerësimet dhe tashmë pritet që fitimet e kompanive nga sistemi i indeksit S&P 500 në tremujorin e parë të jenë 1,4 për qind më të mëdha se sa në vitin e kaluar, derisa në fillim të kësaj periudhe parashikohej që publikimi i rezultateve periodike të biznesit të rezultoj me një rënie prej 2,5 për qind.
Fal këtij parashikimi, dje tensionet tregtare në marrëdhëniet në mes të Washingtonit dhe Pekinit kaluan në plan të dytë. Edhe në bursat evropiane çmimet e aksioneve kanë shënuar rritje. Indeksi londinez FTSE është rritur për 0,78 për qind, në 7353 pikë, ndërsa indeksi i Frankfurtit DAX është rritur për 1,74 për qind, në 12.310 pikë, e ai parisien CAC 1,37 për qind, në 5448 pikë.
