Në Zharrëz, Alibeaj: A do na bjerë sërish mbi kokë Rama? Më 25 prill, dita e gjykimit!
Jetojnë mbi arin e zi por janë në pikë të hallit, banorët e fshatit Zharrëz të Bashkisë Patos të cilët në takim me Drejtuesin politik të PD për Qarkun Fier, Enkelejd Alibeaj, kanë rrëfyer hallet e pafundme që jua ka shtuar rilindja dhe kryeministri në ikje Edi Rama, ku banesat e dëmtuara dhe situata ekonomike kanë qenë problemet që shqetësonin më së shumti banorët.
“Zgjidhjen e halleve tuaja e keni vetë në dorë! Në 25 prill votoni që shtëpitë e dëmtuara të mos bien mbi kokë por tu bien qeveritarëve dhe Ramës si përgjegjësi kryesor i kësaj situate,” u shpreh Enkelejd Alibeaj ku konstaton se ndotjes se ajrit, ujit dhe tokës ju është shtuar edhe ai i tërmetit nga kompania Bankers.
Bashkia Patos dhe komisionet vlerësuese të ngritura prej saj janë tallur me një pjesë të banorëve duke i selektuar politikisht. Shqetësimi për energjinë e dobët dhe rrjetin tejet të amortizuar, ndihma ekonomike që është e pamjaftueshme pasi nuk përballon dot koston e ilaçeve jo më dritat, ujin, ushqimet! Qeveria dhe bashkia Patos nuk e çajnë kokën fare e jo të interesohen për hallet e banorëve.
Duke shprehur keqardhjen për situatën dhe papërgjegjshmërinë e pushtetit qëndror dhe vendor, Drejtuesi politik i PD i kujtoi familjeve që vizitoi se fatin e tyre e kishin në dorë vetë pasi të kujtonin se çfarë kaluan këto 8 vite, çfarë shërbimesh morën dhe si i kanë xhepat, ku i kanë fëmijët e tyre dhe kush ishte shkaktari që u larguan nga vendi ne dhe të huaj.
“25 prilli është dita e ndryshimit dhe gjykimit që të mos na bjerë mbi kokë sërish Rama dhe qeveria e tij, siç po bien shtëpitë tuaja!” u shpreh Drejtuesi politik i PD për Qarkun Fier, Enkelejd Alibeaj.
