Në zyrat e FRD, Presidenti Meta përplaset me policinë: Dilni jashtë, do ju çoj në burg…
Presidenti i Republikës është përplasur me Policinë e Erion Veliajt e cila me një vendim ka shkuar të lirojë zyrat e selisë së partisë Fryma e Re Demokratike ndërsa e konsideroi bashkinë bandë.
“Pse dhunoni partinë e opozitës? Dilni përjashta mos krijoni probleme, kaq po ju them se do iu çoj në burg me duart e mia, kaq po iu them,” tha Presidenti duke e larguar Policinë Bashkiake nga ambientet e FRD .
Presidenti Meta i bëri thirrje kryetarit të Bashkisë Tiranë të heqë dorë nga veprime të tilla. Ndërsa apeloi te Policia e Shtetit dhe Bashkiake të respektojnë ligjin pasi do të përfundojnë si policët e Mubarakut.
“E konsideroj përpjekje për të realizuar grusht shteti, sepse t’i sjellësh një partie zyrtare, opozitare, menjëherë pasi nënshkruan një marrëveshje me PD-në dhe partitë e opozitës për të marrë pjesë në zgjedhje t’i sjellësh një shkresë të tillë pa vulë, pa numër protokolli, e bërë me vrap për të dhunuar fizikisht dhe psikologjikisht çdo forcë opozitare, duke keqpërodur bashkinë bandë padyshim që është tepër irrutuese. Është paralajmërim për të gjithë qytetarët shqiptarë. I bëj thirrje të gjithë opozitës që të zgjohet dhe të mos lejojë më asnjë prekje të rregullave të garës.
Kjo bëhet vetëm për të dhunuar fizikisht dhe psikologjikisht çdo forcë opozitare, duke keqpërdorur bashkinë bandë, është tepër irrituese dhe është paralajmërim për të gjithë qytetarët shqiptarë, për të vënë dorë mbi votën e barabartë.
Pata një telefonatë nga zoti Shehu, isha duke kaluar këtu rastësisht, ju e patë si u dhunua kryetari i partisë së Tiranës, në prezencë të presidentit. Ose zbatoni ligjet, ose do përfundoni si policët e Mubarakut. I them kryetarit të bashkisë që ju e dini mirë se çfarë keni bërë me firmë dhe pa firmë, se ai tjetri do nxjerri kartelën para 25 Prillit.”
Ndryshe shkresa për të cilën foli Presidenti i Republikës është kjo:
Ndryshe, ky vendim i Bashkisë Tiranë vjen pasi FRD nënshkroi Marrëveshje koalicioni me Partinë Demokratike dhe largimit të kryetarit të kësaj partie, Bamir Topi, nga një parti e cila del në garë kundër Edi Ramës..
