Negociatat me BE/ Dy mashtruesit e shqiptarëve: Nëse s’ndodh sot, Këshilli Evropian i ka fajet!

Gënjyen dhe mashtruan shqiptarët për euroitegrimin e Shqipërisë që nga viti 2013, dhe sot në prag të JO-së nga Samiti i liderëve të BE në Bruksel për çeljen e negociatave, sërish dy mashtruesit, Komisionieri për Zgjerimin, JOhannes Hahn dhe Kryeministri Edi Rama, pas një takimi që zhvilluan në selinë e Bashkimit Evropian u munduan ti bindin shqiptarët se Qeveria i ka përmbushur detyrimet por fajin tashmë na paska Këshilli Europian ose më saktë dinamika brenda Eurpës.

“Nëse nuk ndodh sot, sepse është agjenda e Këshillit Europian, nuk do ishte për ndonjë dështim të Shqipërisë, apo qeverisë së vendit. Është një çështje që lidhet me dinamikat e brendshme të Europës ” tha pa fije turpi, hyzmeqari i Edi Ramës, Johannes Hahn.

“Ne e konfirmojmë që Shqipëria i ka përmbushur detyrimet. Kishim një marrëveshje bazuar mbi një vendim unanim të të gjithë vendeve anëtare për 5 prioritetet kyçe, mbi të cilat përpiluam një vlerësim vjet, përsëri këtë vit bëmë një vlerësim dhe rekomanduam këtë vit, njësoj si vitin e kaluar, që të nisin negociatat. Nëse nuk ndodh sot, sepse është agjenda e Këshillit Europian, nuk do ishte për ndonjë dështim të Shqipërisë, apo qeverisë së vendit. Është një çështje që lidhet me dinamikat e brendshme të Europës dhe mendoj që është e rëndësishme që ta dinë qytetarët e Shqipërisë këtë. Do doja vetëm të inkurajoja qeverinë të vazhdojë me reformat që po zhvillojnë, sepse është në interes të qytetarëve shqiptarë,” tha Johannes Hahn ndonëse nuk e sqaroi se kur do të jetë Bashkimi Europian në rregull që Shqipëria ti çel negociatat shtoi:

“Përsa i përket Komisionit Europian, ne jemi jashtëzakonisht të përkushtuar që të vazhdojmë përpjekjet e përbashkëta, për të përmirësuar kushtet e jetesës në rajon dhe veçanërisht në Shqipëri. Do të bëjmë gjithçka dhe shpresoj që sapo të zgjidhen problemet e brendshme të BE-së, të ketë një ndikim pozitiv edhe mbi anëtarësimin e rajonit,” tha Komisioneri për Zgjerimin, Johannes Hahn duke ngatërruar shqiptarët e viteve ’90, kur i mësynë Europës me të gjitha mjetet, me shqiptarët e vitit 2019.

Ndërsa shefi i tij në Tiranë, Edi Rama, shumë më komod se hyzmeqari Hahn tha se Qeveria e tij ka bërë atë që i është kërkuar dhe jemi në kushtet kur në Këshillin Europian diskutohet për çfarë duan, apo nuk duan të bëjnë vetë anëtarët e familjes për familjen e tyre, pasi dihet që një anëtar i rëndësishëm i familjes kërkon një qasje tjetër të të gjithë familjes ndaj këtij procesi.

“Zoti Hahn e shprehu fare qartë. Ne e kemi bërë atë që na është kërkuar. Po përtej faktit që çfarë kemi bërë ne dhe çfarë duhet të bëjmë, jemi në kushtet kur në Këshillin Europian diskutohet për çfarë duan, apo nuk duan të bëjnë vetë anëtarët e familjes për familjen e tyre, pasi dihet që një anëtar i rëndësishëm i familjes kërkon një qasje tjetër të të gjithë familjes ndaj këtij procesi.”

I detyruar të mashtroj pas mashtrimit ekselent që u bëri shqiptarëve Komisioneri për Zgjerimin Johannes Hahn, Edi Rama tha se ne duhet ta kuptojmë qartë këtë situatë, e kush është “NE” si duket e din mirë Kryeministrii Shqipërisë:

“Kjo do të thotë që, nga njëra anë, ne duhet ta kuptojmë qartë këtë situatë dhe nga ana tjetër ta vazhdojmë procesin e reformës, sepse, siç e tha dhe Komisioneri, nuk i bëjmë pse po na i kërkon Brukseli, Londra, Parisi, apo Berlini, por i bëjmë sepse na i kërkon nevoja që t’u lemë fëmijëve tanë një Shqipëri europiane, me institucione demokratike, me një shtet institucional të së drejtës dhe një ekonomi me standarde të Bashkimit Europian.”