Negociatat me BE/ Holanda i thotë JO Shqipërisë, Blok: Maqedonia Veriore e ka derën hapur…

Holanda i mban të mbyllura dyert e BE për Shqipërinë, tha Ministri holandez i Punëve të Jashtme, Stef Blok, duke shtuar se vendi ka një rrugë të gjatë për të bërë.

“Qeveria nuk është e interesuar në negociatat e pranimit midis Bashkimit Europian dhe Shqipërisë. Për Maqedoninë Veriore ajo e lë derën hapur’. tha Ministri i Punëve të Jashtme, Stef Blok, duke shtuar se në Maqedoninë Veriore janë ndërmarrë hapa të mirë.

Deputetët kërkuan të mësonin qartësisht qëndrimin e Holandës për nisjen e negociatave dhe ministri ishte i prerë.

“Ka ende për t’u bërë në fushën e sundimit të ligjit dhe luftën kundër korrupsionit”.

Komisioni Evropian thotë se BE duhet të fillojë bisedimet e pranimit me këto vende. Sipas Komisionerit për Zgjerim, Johannes Hahn, reformat që janë zbatuar këtu duhet të shpërblehen dhe deputetët donin të dëgjonin një ‘Po’ apo ‘Jo’ nga ministri në lidhje me vendimin për zgjerimin me këto dy vende.

“Angazhimi nuk është i qartë”, tha Pieter Omtzigt (CDA).

Por Blok mendon se ishte mjaft i qartë, dhe asnjë vendim nuk mund të merret në BE nëse të gjitha shtetet anëtare nuk kanë një qëndrimtë paracaktuar: “Pastaj në bilanc nuk ndodh asgjë”.

Dhoma është e ndarë për zgjerimin. D66, PvdA dhe GroenLinks duan që BE të fillojë bisedimet e pranimit me Maqedoninë Veriore dhe Shqipërinë.
PS dhe PVV janë kundër. CDA beson se Shqipëria nuk është e gatshme por VVD është më pozitive për Maqedoninë Veriore, dhe ende nuk ka një qëndrim përfundimtar për këtë çështje.