Negociatat me BE, Holanda ka dyshime për progresin e Shqipërisë

Kryeministri i Holandës, Mark Rutte u shpreh në Berlin, se kemi më shumë shqetësime për Shqipërinë se sa për Maqedoninë e Veriut në lidhje me progresin e bërë për hapjen e negociatave.

Pas takimit me Kancelaren Merke, i pyetur nëse Holanda do të japë përgjigje pozitive për hapjen e negociatave, Kryeministri Mark Rutte, raporton DW, u shpreh:

“Ne, si shumë vende të tjera ende jemi të shqetësuar – diçka më pak për Maqedoninë e Veriut dhe më shumë për Shqipërinë. Pyesim veten, se sa përpara ka shkuar progresi në Shqipëri, dhe aty kemi më shumë shqetësime. Për këtë ne do të flasim në javët e ardhshme edhe me partnerët europianë, sepse jemi vërtet të shqetësuar, për masën e progresit të arritur. Maqedonia e Veriut ka arritur më shumë se Shqipëria, dhe për këtë do të ketë ende bisedime.”