Negociatat me Shqipërinë dhe Maqedoninë e Veriut, BE i shtyn për marsin 2021
Ambasadorët e Bashkimit Evropian nuk kanë ra dakord për fillimin e negociatave me Shqipërinë dhe Maqedoninë e Veriut dhe ato u shtyn për muajin mars të vitit 2021.
Komiteti i Përfaqësuesve të Përhershëm, Coreper, ra dakord në konkluzionet e tyre se Shqipëria nuk është akoma e gatshme të mbajë konferencën e parë ndërqeveritare me BE, pasi ka ende punë për të bërë për kushtet e vendosura që nga marsi 2020.
“Ndryshe nga projekt-konkluzionet e mëparshme, propozimet e fundit të Presidencës Gjermane nuk përmendim më dhjetorin si muajin e konferencës së parë ndërqeveritare për Shqipërinë dhe Maqedoninë e Veriut. Kjo konferencë do të mbahet kur Shqipëria të plotësojë dy kushtet e mbetura: ringritjen e Gjykatës Kushtetuese dhe miratimin e ligjit anti-shpifje,” thuhet në vendimin e ambasadorëve, raporton “Euronews”, ndërsa për Maqedoninë e Veriut u tha se data për konferencën e parë do të caktohet sapo vendi të zgjidhë çështjet e tij me Bullgarinë.
Bullgaria bllokoi fillimin e bisedimeve të pranimit me Maqedoninë e Veriut duke pretenduar se gjuha maqedone është një dialekt i gjuhës bullgare dhe se nuk ka asnjë pakicë maqedone në Bullgari. Deklaratat e dy shteteve kërkohet të përfshihen në dokumentin përfundimtar që lejon fillimin e bisedimeve të Maqedonisë së Veriut me Bashkimin Evropian.
