Negociatat/Paralajmërimi i Ramës: Shqipëria rrezikon të jetë në zonën gri, nën ndikimin…

Rajoni i Ballkanit, përfshi edhe Shqipërinë, mund të bien në një “zonë gri” në mes të Europës, e cila do të përfundonte nën ndikimin e huaj.

Kështu shprehet Kryeministri Edi Rama në një intervistë për EURACTIV.fr, duke paralajmëruar sërisht Bashkimin Europian, ashtu si edhe më parë për ndikime të tjera jashtë BE-së.

“Unë nuk besoj në ndalimin e negociatave. Në të njëjtën kohë, jam i bindur se marrëdhëniet më të ngushta me BE-në jo vetëm që janë të dobishme për Ballkanin, por edhe për Europën.

Europa ka nevojë për Ballkanin në të njëjtën masë që Ballkani ka nevojë për Europën, për të adresuar shqetësimet e sigurisë, kohezionin territorial dhe kontrollin e kufijve.

Largimi nga Ballkani do të krijonte një zonë gri në mes të Europës, e cila mund të përfundonte nën ndikimin e huaj. Dhe këtu padyshim nuk do të përfitonte Europa”, ka thënë Rama.