Negociatat Shqipëri-Greqi/ Idrizi: Ja çfarë më shqetëson…

Kreu i PDIU-së Shpëtim Idrizi ka komentuar negociatat që po zhvillohen mes Shqipërisë dhe Greqisë.

Idrizi ka deklaruar se është shumë shqetësuese mungesa e transparencës nga ana e qeverisë për këto bisedime.

“Gjëja e parë që duhet thënë është që të gjithë keto negociata po zhvillohen në kushtet e mungesë së trasparencës totale dhe duke patur parasysh këtë kam frikë se nuk po zhvillohen mbi bazën e reciprocitetit”, tha ai.

Kreu i PDIU-së theksoi se axhenda greke po avancon, ndërsa ajo shqiptare jo.

Në studion e Faxnews, ai përmendi dhe marrëveshjen për toponimet të cilën e quajti absurde pasi kërkohet që të ndryshohet emri i vendlindjes, ndërsa si avancime të agjendës greke përmendi edhe ligjin për minoritetet deh varrezat greke.

“Marrëveshja për toponimet është absurde, është bërë për 600 pleq çam, kërkohet që të ndryshohet vendlindja. Ligji për minoritetet, e nxori Shqipërinë me 9 minoritete, ndërkohë Kosova ka 6.

Shqipëria i ka njohur minoritetet që në kohën e mbretit Zog në zonën e Finiqit dhe Dropullit.

E treta me këtë marrëveshje është implimentimi i marrëveshjes për varrezat.

Çështja e varrezave duhet të fillonte minimalisht nga heqja e Ligjit të Luftës dhe pala shqiptare duhet të kërkonte që edhe për shqiptarët e Çamërisë të kishte një varrezë. Ne kemi marrë vetëm vulën apostile, kërkesat ishin heqja e ligjit të luftës, marrëveshja e kufijve shtetëror dhe çështja Çame.

Interesi i Shqipërisë është të mbyllet çështja e kufijve tokësor pasi Greqia nuk e ka ratifikuar traktatin e Firences, po na çojnë drejt marrëveshjes së detit që është në interes të Greqisë. Nuk mund të thonë këta që po bëjnë marrëveshje më të mirë se ajo që ishte më parë, sovraniteti territorial nuk duhet të negociaohet”, tha Idrizi ndër të tjera.