Nën Koloseumin e Romës zbulime të reja, kocka kafshësh, para, fara frutash…

Studimet njëvjeçare të sistemit të drenazhimit nën Koloseumin e Romës kanë zbuluar kocka të ariut dhe maceve të mëdha, sipas të gjitha gjasave për luftë ose si gjah në lojërat me luanë në arenën romake, u shprehën arkeologët.

Zbulimet tjera përfshijnë më shumë se 50 monedha bronzi nga periudha e re romake, si dhe të argjendit nga vitet 170.-171. të erës së re, në përkujtim të 10 vjetorit të sundimit të perandorit Mark Aureli, thuhet në komunikatën e arkeologëve.

Farat e frutave, siç janë, fiku, rrushi dhe pjepëri, si dhe shenjat e ullirit dhe arroreve, për të cilat mendohet se janë konsumuar nga shikuesit gjatë spektakleve, gjithashtu janë gjetur në amfiteatrin e vjetër 2000 vjeçar.

Studimi i cili ka filluar në muajin janar, përfshinte rreth 70 metra të ujësjellësit dhe kanalizimit nën Koloseum dhe konsiderohet se ndriqon vitet e tij të mëvonshme para se të ndalohet përdorimi i tij rreth vitit 523.

Drejtorja e Parkut Arkeologjik Colosseo, Alfonsina Russo, tha se këto zbulime “thellojnë kuptimin tonë të përvojave dhe zakoneve të atyre që kanë ardhë në këtë vend, gjatë ditëve të tjera kushtuar spektakleve”.