Nën pushtetin e borës/ ARRSH hesht për Rrugën e Kombit, ja akset tjera…
Për të vetmen rrugë në Shqipëri ku paguhet kalimi, Autoriteti Rrugor Shqiptar, ARRSH, nuk jep informacion ose Qet Kastrati nuk e ka me qejf këtë raportim i cili për asnjë ditë gjatë vitit të kaluar me reshje bore nuk ishte i rregullt. Derisa për akset ARRSH raportoi me detaje deri në Valbonë.
Sidoqoftë edhe sot kur Shqipëria u zgjua nën pushtetin e dëborës, Zoti ishte me shqiptarët dhe nuk u bllokoi Rrugën e Kombit, dhe aktualisht kalimi bëhet pa zinxhir e trashësia e borës shkon deri në 10 cm. Problem për momentin mbetet rajoni i Dibrës ku në disa zona dëbora arrin deri në 60 cm.
Në Valbonë sapo filluan reshjet e borësnë terren ishin dy borëpastruese për të bërë pastrimin e plotë të aksit. Qarkullimi kryhet pa probleme. Drejtuesit e mjeteve të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë dhe të pajisen me zinxhirë dhe goma dimërore.
Në segmentin Vrith-Razëm, ARRSH raporton për pastrimin dhe shpërndarjen e kripës:
Në aksin Korçë-Ersekë vazhdojnë punimet e mirëmbajtjes dimërore:
Punime që vazhdojnë edhe në segmentin rrugor Bilisht-Kapshticë ku borëpastrueset ishin në terren gjatë gjithë natës dhe po bëhet pastrimi si dhe trajtimi me kripë.
Drejtuesit e mjeteve, thekson ARRSH, të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë dhe të pajisen me zinxhirë dhe goma dimërore.
Ashtu si dhe në kasin Boboshticë-Dardhë:
Në fund, e famshmja Rruga Kombit aty ku Qet Kastrati me Kryeministrin e tij njohin vetëm lekun dhe traun. Para se të fillojnë reshjet e borës boëpastrueset ishin aty, pse këtë e dijnë vetëm Qeti dhe Rama.
Trashësia e borës në Tunelin e Kalimashit ka arritur deri në 10 cm ndonëse aktualisht kalohet edhe pa zinxhir ndërkohë që reshjet vazhdojnë.
Gjithsesi ai që ju merr të paktën 660 lekë në Rrugën e Kombit kërkon nga drejtuesit e mjeteve që të respektojnë sinjalistikën rrugore dhe kujdes të shtuar në tabelat elektronike dhe mesazhet e përcjella në to! Të lëvizin me goma dimërore dhe prezencë zinxhirësh në makinë. Për çdo shqetësim apo informacion të nevojshëm mund të na telefononi
24 ore në nr. jeshil 08000400, thotë Qet Kastrati, sa do të ndihmoheni nuk dihet, ata që e kanë provuar kuptohet që nuk humbin më kohë me të tillal idiotizma!
Situata nuk është e njejtë në akset e tjera në Qarkun e Kukësit. Rrugët Kukës-Shishtavec, Kukës-Peshkopi, Kukës-Qaf Mali, Krumë-Kam-Tropojë, Qaf Mali-Fierzë janë të kalueshme vetëm me zinxhirë, pasi akulli dhe bora është prezente.
Ndërkohë rrugët rurale që lidhin fshtrat si Tërshen, Arrën, Shkinak, Borje, Zapod, Cahan Lekbibaj etj janë të bllokuara. Gjatë ditës së sotme ka pasur rënie të ndjeshme të temperaturave, duke sjellë zyrtarisht stinën e dimrit në vendin tonë.
Në Krujë, reshje dëbore janë regjistruar në kampin e Qafë-Shtamës, ku trashësia e saj është 5 cm. Deri më tani nuk ka raportime për problematika serioze.
“Reshjet e dëborës kanë bërë që disa zona në Krujë niveli i dëborës të shkoj deriu në 5 cm, në kampin e Qafë Shtamës është niveli më i lartë i dëborës. Nuk ka problematika, për rrugë të bllokuara, por reshjet aktualisht kanë ndaluar. Deri më tani nuk ka pasur probleme me energji elektrike, zona është furnizuar me energji elektrike pa probleme”, u shpreh Shota.
Ndonëse u inaugurua një ditë më parë nga kryeministri Edi Rama, Rruga e Arbrit është mbyllur, për shkak të dëborës së dendur dhe ngricave në bypass-in e Qafës së Murrizës. Raportohet se rruga është mbyllur përkohësisht dhe kalimi bëhet përmes rrugës ekzistuese. Po ashtu, ai shton se problematike është paraqitur situata në disa fshatra të rrethit të Dibrës, ku trashësia e dëborës është 40 cm, ndërsa në Peshkopi, trashësia e dëborës ka shkuar deri në 15 cm.
“Situata në Dibër ka pasur probleme për shkak të reshjeve të dëborës. Në zonat e thella trashësia e dëborës ka mbërritur në 40 cm, ndërsa në qytet 15 cm. Sipas informacioneve që kemi, në këto njësi nuk kanë lëvizur furgonat e fshatrave drejt zonave të banuara,” raporton BW dhe sa i përket Rrugës së Arbrit, është e bllokuar në tunelin e Qafë Murrizës, te bypass nuk kalojnë asnjë makinë, për arsye se ka pasur reshje dëbore dhe ngricë. Makinat vazhdojnë në rrugët e vjetër.
Në fund, ARRSH raporton se kontraktorët kanë punuar gjatë gjithë natës me mjete borëpastruese dhe punëtorë për pastrimin e rrugës nga bora, shpërndarjen e kripës dhe nga materialet inerte ne ato segmente ku kanë vijuar reshjet e shiut. Akset rrugore nacionale janë të hapura dhe qarkullimi kryhet pa probleme.
Drejtuesit e mjeteve, thekson Autoriteti Rrugor Shqiptar, të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore, të ndjekin udhëzimet e Policisë Rrugore.
