Nënkalimi tek Sheshi Skënderbej, Belind Këlliçi prezanton projektin
Kandidati i Koalicionit “Bashkë Fitojmë” për kryetar të Bashkisë Tiranë, Belind Këlliçi, duke prezantuar sot planin e tij të nënkalimit tek Sheshi Skënderbej tha se zgjidhja që ofron ekipi i tij është e thjeshtë por shumë të rëndësishme për trafikun në Tiranë i cili tashmë është kthyer në një makth.
“Jemi mbledhur në këtë shesh për të prezantuar zgjidhjen tonë për problemin e trafikut në Tiranë: ndërtimin e një tuneli nëntokësor për makinat, që do të mundësojë rrjedhjen pa pengesë të trafikut nën sheshin ‘Skënderbej’, duke lehtësuar kështu shumë trafikun në qendër të Tiranës.
Dhe këtu nuk po flas vetëm për kohën e humbur dhe pamundësinë për të programuar, për secilin nga ne, takimet dhe oraret. Implikimet e një trafiku kaq të rënduar janë shumë më të mëdha për qytetarët e Tiranës:
Së pari, kjo është një kosto shumë e lartë për buxhetin e familjeve. Familjet e Tiranës shpenzojnë dy herë më tepër karburant për makinat e tyre, si pasojë e një trafiku që nuk ndalon kurrë. Sipas përllogaritjeve tona, fatura financiare për familjet që përdorin makinat, pikërisht për hir të trafikut, është më e madhe se 100 mijë lekë të vjetra në muaj (ose 100 euro në muaj);
Së dyti, edhe më e rëndësishme, ka të bëjë me shëndetin e banorëve. Ndotja në qendër të Tiranës si pasojë e trafikut është rreth 5 herë më e lartë. Ndërkohë në të gjthë Tiranën është shumëfishuar numri i të sëmurëve të aparatit respirator, vecanërisht është rritur numri i fëmijëve astmatikë pikërsht prej kësaj ndotjeje,” tha Këlliç e nisi vazhdohet kështu në Tiranë, ky qytet do të kolapsojë.
Dhe, kur jemi shumë afër kësaj pike, kandidati i Koalicionit “Bashkë Fitojmë” për kryetar të Bashkisë Tiranë tha se mund të vazhdohet pa një rikonceptim të kësaj çështje nga e para kur ndërtimet pa asnjë planifikim urban vazhdojnë, ashtu si dhe flotë autobuzësh jashtë kondicioneve teknike, dhe natyrisht, pa parkime!
“Trafiku në Tiranë është një çështje, e cila duhet zgjidhur me prioritet absolut, për të gjtha arsyet e përmendura më sipër. Por siç edhe të gjithë e dimë, ajo duhet të vijë nga një sërë ndërhyrjesh që kanë lidhje me trasportin cilësor, të sigurtë dhe dhe falas, me korsitë e dedikuara të autobusëve të shpejtë,
me biletat elektronike dhe aplikacionet ndihmuese për udhëtarët, me riikonceptimin total të lëvizshmërisë në Tiranë, me hapjen e rrugëve të reja dhe rikualifikimin e rrugëve dytësore, të cilat mund të shfryjnë trafikun, me vepra infrastrukturore që nuk zgjasin pafund sic është rasti i Unazës së Madhe, me një plan të mirëfilltë për parkimin si dhe me policinë bashkiake që nuk është aty vetëm për gjoba, po për të ofruar ndihmë dhe zgjidhje.”
Angazhimi për të reduktuar përgjysëm kohën në trafik për qytetarët dhe për të kthyer brenda cilësinë e ajrit brenda normave të BE-së, Belind Këlliç rithekson se jo vetëm që është i mundshëm por dhe domosdoshëm.
“Por le t’i kthehemi edhe një herë zgjidhjes që ne ofrojmë sot: siç edhe e shikoni në ekranin LED dhe ne tabelat e paraqitura, zgjidhja është e thjeshtë dhe me kosto mjaft të përballueshme. Ekipi im është duke punuar për të ofruar zgjidhje teknike të ngjashme edhe ne kryqëzimet e tjera në Tiranë, ato që janë kthyer tashmë në pika bllokimi të mëdha për trafikun.
Zgjidhja e e problemit të trafikut në Tiranë, si dhe dhjetëra e dhjetëra problemeve të tjera të kryeqytetit, kërkon një program të mirëfilltë që ne e kemi, kërkon specialistë që ne i kemi, kërkon vullnetin për zgjidhje që ne e kemi,” tha Kandidati i Koalicionit “Bashkë Fitojmë” për kryetar të Bashkisë Tiranë, Belind Këlliçi, duke përfunduar:
“Ne të gjitha këto i kemi. Por për këtë nevojitet ndryshmi i madh në datën 14 maj. Atë e keni ju në duart tuaja. Ju mund t`i jepni zgjidhje këtyre problemeve, duke votuar numrin 5, Belind Këlliçin dhe siglën ‘Bashkë Fitojmë’, për një grup të jashtëzakonshmë këshilltarësh bashkiakë që do të mbrojnë interest tuaja!”
